Hałoŭnym śledčym upraŭleńniem Śledčaha kamiteta Biełarusi zavieršana rasśledavańnie kryminalnaj spravy ab vybuchu ŭ žyłym domie ŭ vioscy Malinaŭka Łahojskaha rajona Minskaj vobłaści,paviedamili ŭ adździele infarmacyi i suviazi z hramadskaściu SK.
Nahadajem, vybuch zdaryŭsia 8 lutaha 2012 hoda. Adzin čałaviek zahinuŭ, dvoje atrymali ciažkija traŭmy.
Śledstva ŭstanaviła, što pryčynaj vybuchu źjaviłasia ŭzharańnie hazapavietranaj sumiesi, jakaja ŭtvaryłasia ŭ vyniku ŭciečki hazu ź sistemy hazazabieśpiačeńnia doma. Dyrektar i kiraŭnik avaryjnaj słužby «Łahojskrajhazu» nie reahavali va ŭstanoŭlenym paradku na nieadnarazovyja paviedamleńni žycharoŭ, u tym liku i ŭ dzień vybuchu, pra hazaniebiaśpiečnyja incydenty i avaryjnyja situacyi, čym dapuścili nievykanańnie patrabavańniaŭ adpaviednych narmatyŭnych techničnych aktaŭ. Im vystaŭlena abvinavačańnie na padstavie art. 428 KK (słužbovaja chałatnaść).
Kryminalnaja sprava pieradadziena ŭ Hienieralnuju prakuraturu dla nakiravańnia ŭ sud. Śledčymi nakiravana dakładnaja zapiska ŭ dziaržaŭnaje vytvorčaje abjadnańnie «Biełpalivahaz» ab ustaranieńni vyjaŭlenych padčas rasśledavańnia kryminalnaj spravy pryčyn i ŭmoŭ, jakija sadziejničali ŭčynieńniu złačynstva.
U SK taksama paviedamili, što praciahvajecca rasśledavańnie kryminalnaj spravy ab vybuchu ŭ cechu Łyntupskaha śpirtzavoda, u vyniku jakoha paciarpieli siem čałaviek. Paźniej ad atrymanych cialesnych paškodžańniaŭ adna z paciarpiełych pamierła. Pryznačany i pravodziacca
Śpiecyjalisty departamienta pa nahladzie za biaśpiečnym viadzieńniem rabot u pramysłovaści MNS i departamienta dziaržaŭnaj inśpiekcyi pracy pravodziać śpiecyjalnaje rasśledavańnie, materyjały jakoha paśla zakančeńnia buduć pieradadzieny ŭ śledčyja padraździaleńni i dałučany da materyjałaŭ kryminalnaj spravy.
Pavodle vynikaŭ analizu i pravierki atrymanych faktyčnych źviestak budzie dadziena kančatkovaja pravavaja acenku zdareńniu.
Kamientary