Rumas: Mnie nie padabajecca, kali supracoŭnik milicyi bačyć mianie parušalnikam
Staršynia Biełaruskaj fiederacyi futboła Siarhiej Rumas raźličvaje, što ŭ pierśpiektyvie ściuardy zamieniać milicyju na stadyjonach.
«Mnie nie padabajecca, kali na mianie supracoŭnik milicyi hladzić tak, što ja niešta parušyŭ. Ja idu ŭ dobrym nastroi hladzieć futboł», — skazaŭ Rumas 10 krasavika ŭ hutarcy z žurnalistami paśla zakančeńnia spravazdačnaj kanfierencyi BFF. «Ale heta naša rečaisnaść», — dadaŭ jon.
Pavodle słoŭ Rumasa, BFF praciahnie navučańnie ściuardaŭ z ulikam raniejšych pamyłak, kali byli arhanizavany kursy, a ludzi na stadyjony pracavać nie pajšli.Kiraŭnik fiederacyi zajaviŭ, što ŭskładaje vialikija nadziei na čałavieka, adkaznaha ŭ BFF za pracu z zaŭziatarami.
Na kanfierencyi Rumas paviedamiŭ ab płanach pavialičyć naviedvalnaść stadyjonaŭ na 10%. U intervju žurnalistam jon adznačyŭ, što dla jaho važna zrazumieć, nakolki cikavym dla zaŭziataraŭ budzie pierachod da dvuchetapnaha čempijanatu.
Kamientary