Krytyčnaha ŭzroŭniu pavodka ŭ Bresckaj i Homielskaj abłaściach nie dasiahnie. Takija vysnovy va ŭradzie Biełarusi robiać pa vynikach inśpiekcyi niekatorych rehijonaŭ hetych abłaściej namieśnikam prem'jer-ministra Anatolem Kalininym.
Jak adznačajuć u pres-słužbie Savieta ministraŭ, «u hetych abłaściach krytyčnych uzroŭniaŭ „vialikaj vady“ nie čakajuć, padtapleńni žyłych damoŭ i haspadarčych pabudoŭ fiksujucca tolki ŭ adzinkavych vypadkach». «Vykankamy i adkaznyja słužby efiektyŭna vyrašajuć uźnikłyja pytańni, a realizacyja dziaržaŭnych prahram u Paleskim rehijonie dazvoliła ŭ značnaj stupieni stanoŭča paŭpłyvać na pavodkavuju situacyju», — śćviardžajecca ŭ paviedamleńni pres-słužby.
Pavodle infarmacyi Ministerstva pa nadzvyčajnych situacyjach, 10 krasavika ŭ nasielenych punktach Homielskaj vobłaści tałyja vody stali pryčynaj padtapleńnia 41 padvorka, 20 haspabudoŭ, 9 žyłych i 2 dačnych domikaŭ.
Za minułyja sutki pavodkavyja vody Prypiaci padtapili 7 padvorkaŭ, 4 žyłyja damy i 4 haspadarčyja pabudovy ŭ vioskach i haradach Homielskaj vobłaści; Haryni — 25 padvorkaŭ u šerahu viosak Bresckaj vobłaści.
Z-za padjomu ŭzroŭniu vady ŭ rekach Prypiać, Haryń, Prostyr, Uza, Ubarć, Viedryč, Charapuć, Pcič (Bresckaja i Homielskaja vobłaści) usiaho padtoplenymi pavodkavymi i tałymi vodami zastajucca 512 padvorkaŭ, 336 haspadarčych pabudoŭ, 117 dačnych damoŭ, 50 žyłych damoŭ, budynak apteki, 8 učastkaŭ daroh. MNS viadzie pastajanny manitorynh pavodkavaj situacyi i kanstatuje narmalnaje žyćciezabieśpiačeńnie nasielenych punktaŭ.
Kamientary