Jak my dahaniali ciahnik, u jaki nas nie puścili z apłočanymi biletami
List čytača.
Ja aktyŭna karystajusia pasłuhaj elektronnaj rehistracyi na ciahniki ad samaha jaje źjaŭleńnia. A niepryjemnaści ŭźnikli mienavita tady, kali spatrebiłasia nieadkładna ranicaj 19 krasavika być u Viciebsku.
Ja abrała kupejny vahon u ciahniku Baranavičy-Viciebsk, jaki ŭ Minsk prybyvaje ŭ 23.32.
Paźbiehnuŭšy stajańnia ŭ čarzie za papiarovym biletam, ja praciahnuła pravadnicy pašpart, pa jakim mianie pavinny byli pasadzić na apłočanaje miesca. Ale ŭ adkaz ubačyła jaje ździŭleny tvar.
I tut pačaŭsia marafon: žančyna adpraviła da načalnika ciahnika (ale jon nie mieŭ infarmacyi pra maju rehistracyju) i nakiravaŭ u kasu (tam nie mahli razdrukavać bilet) — znoŭ da načalnika — da administratara... U vyniku takich «niaščasnych» naźbirałasia čałaviek dziesiać, i načalnik ciahnika prapanavaŭ vykupić bilety ŭ ahulny vahon (chacia ŭsie apłacili kupe!). Navat nie dapamahli našyja mabilniki, z ekranaŭ jakich my pakazvali svaju rehistracyju: va ŭsim śviecie hetaha dastatkova. Kaniečnie, da načalnika pretenzij być nie moža — jon dziejničaŭ pa instrukcyi.
A razdrukoŭki z našaj rehistracyjaj zastalisia ŭ Baranavičach — ich nie pieradali ŭ ciahnik.
Aburyŭ navat nie fakt zboju ŭ pracy (zdarajecca), a absalutnaje biaździejańnie rabotnikaŭ BČ. Za dvaccać chvilin, što ciahnik stajaŭ u Minsku, možna było šmat čaho zrabić, kab pasažyry pajechali: patelefanavać, prysłać razdrukoŭku pa faksie. Ci prosta papiaredzić Minsk-Pasažyrski pra chiby baranavickich rabotnikaŭ. Ciahnik byŭ kala troch hadzin u darozie, a nichto tak i nie pryznaŭsia ŭ zboi sistemy albo niadbajnaści supracoŭnikaŭ.
U vyniku ciahnik pajechaŭ z paŭpustymi vahonami-kupe.
Dobra, što moj małady čałaviek byŭ na mašynie.
My zrabili zapis u knizie skarhaŭ, nabyli novyja bilety ŭ kupe (!), uziali z saboj jašče niekalki takich ža harotnikaŭ i nahnali ciahnik u Barysavie. Ranicaj u 5.45 ja była ŭ Viciebsku.
Hetaja situacyja pakazała, što ŭ supracoŭnikaŭ BČ nie pradumany dziejańni na vypadak forsmažornych situacyj, što i adbyłosia z nami.
Dadam, što ŭ Minsk ja viarnułasia, i elektronnaja rehistracyja spracavała biez zbojaŭ.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Siarhiej Cichanoŭski pierabraŭsia žyć u Łos-Andželes72
Kamientary