Na Marsie zdymuć realici-šou z udziełam pieršych kałanistaŭ
21 krasavika pryvatny kaśmičny prajekt, jaki maje na mecie zasnavać pieršuju pastajannuju kaloniju na Marsie pačaŭ adbor udzielnikaŭ pažyćciovaj ekspedycyi na planetu.
Jašče da pačatku aficyjnaha adboru patencyjnyja ŭdzielniki ŭžo padali bolš za 10 tysiač zajavak. Da lipienia 2013 arhanizacyja raźličvaje sabrać kala miljonu zajavak u vyhladzie videarolikaŭ praciahłaściu ŭ adnu chvilinu.
Padać zajaŭku mohuć i čytačy Radyjo Svaboda tut.
Da lipienia 2015 hodu arhanizatary adbiaruć 24 kandydataŭ u astranaŭty, nastupnyja siem hadoŭ buduć rychtavacca da budučaha palotu ŭ kamandach pa čatyry čałavieki. Košt pieršaha palotu prajekt Mars One aceńvaje prykładna ŭ 6 miljardaŭ dalaraŭ. Bolšuju častku hetaj sumy arhanizatary raźličvajuć pryciahnuć praz prodaž pravoŭ na tranślacyju hlabalnaha realici-šoŭ, jakoje pačniecca ŭžo na etapie adboru ŭdzielnikaŭ.
Prajekt, zasnavany ŭ Niderlandach, stavić svajoj zadačaj da 2023 ažyćciavić pilatavanuju ekspedycyju na Mars. Čatyry astranaŭty prajektu stanuć pieršymi marsijanskimi kalanistami i praviaduć reštu žyćcia ŭ marsijanskim sieliščy, jakoje budzie pabudavana dla ich aŭtamatami, dasłanymi na Mars zahadzia.
Kamientary