«Ale pakul u mianie niama ni hienpadradčyka, ni hrošaj, ni krainy, jakaja b vydzieliła kredyt dla budaŭnictva».
«Kali b była mahčymaść druhuju atamnuju stancyju pačać budavać, to ja b abaviazkova pačaŭ jaje budavać», — zajaviŭ kiraŭnik Biełarusi Alaksandar Łukašenka, naviedvajučy Biełaruski dziaržaŭny ahratechničny ŭniversytet.
«Ale pakul u mianie niama ni hienpadradčyka, ni hrošaj, ni krainy, jakaja b vydzieliła kredyt dla budaŭnictva», — skazaŭ kiraŭnik krainy.
Kamentujučy krytyku, jakaja hučyć z nahody budaŭnictva biełaruskaj AES, jon zajaviŭ, što «heta ŭsio prapłačana».
«Naša stancyja i rasiejskaja stancyja ŭ Kalininhradzie — heta kostka ŭ horle Eŭraźviazu i prybałtyjskich dziaržaŭ. Jany spaźnilisia, u ich užo nie atrymajecca pabudavać svaju stancyju, jany ŭžo nam nie kankurenty, i im pryjdziecca kuplać našu elektraenerhiju i rasiejskuju. Eŭraźviaz choć i maje liški elektraenerhii, ale jana daražejšaja. Tym ža niemcam nia budzie kudy pradavać hetuju elektraenerhiju. Idzie kankurentnaja baraćba, i jany našu piatuju kalonu nastrojvajuć na toje, kab zmahacca suprać budaŭnictva našaj AES», — cytuje Interfaks kiraŭnika Biełarusi.
Akramia taho, Łukašenka adznačyŭ, što «my akružanyja łancuhom atamnych stancyjaŭ, my ŭžo žyviem u hetaj niebiaśpiečnaj zonie».
Kamientary