Były palitviazień Siarhiej Kavalenka pastupaje va ŭniviersitet u Polščy
«Vidać, jašče rana pra heta havaryć. Ja źbirajusia, a moža nie pastuplu», — skazaŭ Siarhiej u razmovie z karespantam «NN». Jon pakul nie hatovy nazvać univiersitet, u jakim chacieŭ by atrymlivać adukacyju.
«Ja raniej vučyŭsia ŭ Palitechnicy. U nas było prahramavańnie — i mnie padabałasia. Što nazyvajecca, «siabruju» z kampjutaram. Praciahvać adukacyju treba — musić być vyšejšaja adukacyja. Siabry tak paraili: mo dla palityki spatrebicca».
U lutym 2012 hoda Siarhieja Kavalenku asudzili na dva hady i adzin miesiac kałonii za ŭchileńnie ad adbyvańnia « chatniaj chimii». Da «chimii» jaho asudzili za vyviešvańnie bieł-čyrvona-biełaha ściaha ŭ Viciebsku. Adrazu paśla zatrymańnia jon abjaviŭ haładoŭku pratestu, jakaja doŭžyłasia ź nievialikimi pierapynkami kala 2 miesiacaŭ. U červieni napisaŭ prašeńnie ad pamiłavańni. Vyzvaleny ŭ kancy vieraśnia. Maje 8-hadovaha syna i 2-hadovuju dačku.
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ16
Kamientary