Z tydniovaha turne pa vostravie Sachalin dniami viarnulisia hurty «Antyvirus», «Vyratavańnie», «Sierach» i «Anhielina», a taksama były salist hurtu «Novy Jerusalim» Alaksandar Patlis.
Z tydniovaha turne pa vostravie Sachalin dniami viarnulisia hurty «Antyvirus», «Vyratavańnie», «Sierach» i «Anhielina», a taksama były salist hurtu «Novy Jerusalim» Alaksandar Patlis. U miežach kampanii za mocnuju siemju chryścijanskija kamandy davali kancerty ŭsachalinskich miastečkach, a ŭ niadzielu ŭziali ŭdzieł u vialikim adkrytym kancercie na paŭdniovasachalinskim stadyjonie.
Admietnaść dalokaŭschodniaha rehijonu ŭ tym, što tam u postsaviecki čas paŭstaŭ mocny evanhielizacyjny ruch. U Paŭdniova‑Sachalinsku, naprykład, žyvie 180 tys. čałaviek, dziejničajuć dziesiać pratestanckich cerkvaŭ.
Zaprašeńnie mienavita biełaruskich hurtoŭ abumoŭlena vialikaj kolkaściu našych suajčyńnikaŭ na vostravie. Havoryć salist «Antyvirusu» Rusłan Bykaŭ: «U taki nadzvyčaj daloki tur nas zaprasiŭ pastar miascovaje carkvy, biełarus Piotra Jermaluk. My davali kancerty ŭ samych roznych miescach: u tamtejšych cerkvach, letnich łahieroch, miascovych DK. I u kožnym horadzie, dzie my vystupali, znachodzilisia ludzi, jakija prasili nas śpiavać pa‑biełarusku».
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?2
Kamientary