Parlament krainy narešcie abraŭ prezydenta. Jak i čakałasia im staŭ Abduła Hiul.
Vajennyja i śvieckija koły bačać u pieramozie Hiula — pravaviernaha musulmanina — pahrozu pryncypu adździaleńniu relihijnych instytutaŭ ad dziaržavy.
Prezydenta Turcyi abiraje parlament. Dla pieramohi ŭ trecim tury Hiulu było dastatkova nabrać prostuju bolšaść hałasoŭ, jakim vałodała kiroŭnaja partyja, što i vyłučyła jaho kandydaturu. U Partyi spraviadlivaści i prahresu 340 z 550 miescaŭ u tureckim parlamencie.
Vyłučeńnie kandydatury Hiula ŭ krasaviku vyklikała palityčny kryzys u krainie, jaki i pryvioŭ da daterminovych parlamenckich vybaraŭ, ale pierakanaŭčuju pieramohu na ich atrymała Partyja spraviadlivaści i prahresu.
Narodny prezydent?
Upieršyniu ŭ historyi śvieckaj Turcyi na čale krainy stanie čałaviek ź isłamisckimi pohladami. Žonka Hiula nosić musulmanski płatok, što zabaroniena ŭ dziaržustanovach Turcyi, u tym liku i prezydenckim pałacy.
Vajennyja i prychilniki śvieckich pryncypaŭ nieadnarazova zaznačali, što Hiul i jaho partyja buduć prasoŭvać reformy, jakija padryvajuć śvieckuju kanstytucyju.
Ale sam Hiul nieadnarazova zajaŭlaŭ, što nia budzie mianiać kanstytucyi i źjaŭlajecca prychilnikam pryncypu padziełu relihijnych instytutaŭ i dziaržavy.
Hiul, jaki zavajavaŭ reputacyju vopytnaha dyplamata ŭ pieramovach ab ustupleńni ŭ Eŭrasajuz, abiacaŭ stać prezydentam usiaho tureckaha narodu.
U levaliberalnych kołach ŭ abrańni Hiula bačać pieramohu małazabiaśpiečanych słajoŭ nasielnictva, jakija trymajucca bolš kansevartyŭnych pohladaŭ, jakich da hetaj pary ŭ palityku nie puskała śvieckaja elita, jakaja padtrymlivajecca armijaj.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary