«Biełarusy ŭ vyhnańni» vydali kałodu hulniavych kart na temu palityčnych realij.
Arhanizacyja «Biełarusy ŭ vyhnańni» realizuje prajekt «Kałoda Łukašenki» — jany vydajuć hulniavyja karty, na jakich znachodziacca vyjavy biełaruskich čynoŭnikaŭ i biznesoŭcaŭ.Meta — «infarmavać hramadskaść, pradstaŭnikoŭ biźniesu i ŭradaŭ pa ŭsim śviecie pra toje, što ŭstupajučy ŭ handlovyja adnosiny z režymam Łukašenki, jany padtrymlivajuć represii, jakija Łukašenka ažyćciaŭlaje ŭ našaj krainie».
Kožnaja karta supravadžajecca karotkim tłumačeńniem taho, čamu kožny ź fihurantaŭ apynuŭsia na karcie i čamu jaho ci jaje varta ŭklučyć u śpis «prychilnikaŭ režymu Łukašenki».
U kałodzie tradycyjnyja 52 karty, ale cikavaść vyklikaje, jaki «naminał» stvaralniki dali kankretnym biełaruskim čynoŭnikam.
Naprykład, siarod «dvojek» Dźmitryj Paŭličenka, a taksama staršyni sudoŭ Piotr Mikłaševič i Valancin Sukała.
«Čaćviorkami» nazvali hubiernataraŭ — Kosinca, Sumara i Šapiru.
«Šaściorki» — znanyja prapahandysty Hihin i Davydźka.
Ź biznesoŭcaŭ u kałodzie pradstaŭlenyja Alaksandr Šakucin («siamiorka»), Alaksandr Mašenski i Uładzimir Piefcijeŭ («vaśmiorka»), Juryj Čyž i Anatol Tarnaŭski («dziaviatki»).
Chto ž aceńvajecca najbolš? Valetami stali ministr unutranych spraŭ Ihar Šunievič, kiraŭnik prezidenckaj achovy Andrej Uciuryn, kiraŭnik administracyi Andrej Kabiakoŭ, a taksama premjer Michaił Miaśnikovič.
Damy — u adsutnaść asablivaha vybaru — Nadzieja Katkaviec, Nadzieja Jermakova, Lidzija Jermošyna i Natalla Piatkievič.
U karalach Viktar Šejman, Uładzimir Makiej, Viktar Vakulčyk i Viktar Łukašenka.
Zatoje tuz adzin — Alaksandr Łukašenka ŭ roznych ipastasiach. Jość i džokier — jahony syn Kola, namalavany z załatym pistaletam.
Varta adznačyć, što «Biełarusy ŭ vyhnańni» zdoleli davoli dakładna vyznačyć vahu čynoŭnikaŭ u ijerarchii.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik21
Kamientary