30 aktyvistaŭ «Havary praŭdu» zatrymali prosta ŭ ofisie
Tam prachodziŭ schod rehijanalnaha aktyvu. Zatrymanych pratrymali ŭ milicyi bolš za try hadziny.
Jak paviedamiŭ namieśnik staršyni kampanii «Havary praŭdu!» Andrej Dźmitryjeŭ, u pieršaj pałovie dnia ŭ ofisie pravodzilisia zaniatki dla siabroŭ kampanii z rehijonaŭ.
Adnak praviadzieńniu mierapryjemstva pieraškodziła milicyja, jakaja, sa słoŭ Dźmitryjeva, spačatku zabłakavała dźviery ofisa, nie dajučy nikomu mahčymaści vyjści. Paśla hetaha udzielnikaŭ arhmierapryjemstva pasadzili ŭ aŭtazaki i pavieźli ŭ RUUS Kastryčnickaha rajona Mienska, paviedamiŭ namieśnik staršyni kampanii.
Pavodle jaho słoŭ, na momant źjaŭleńnia ŭ ofisie milicyi tam znachodziłasia blizu 30 čałaviek. Zatrymanych pratrymali ŭ milicyi bolš za try hadziny.
Taksama, pavodle słoŭ Dźmitryjeva, milicyjaj byli kanfiskavanyja drukavanyja materyjały, źviazanyja z «Narodnym refierendumam».
«U cełym toje, što adbyvałasia, vyhladała jak sproba zapałochać aktyvistaŭ. Da nas jak raz pryjechała šmat novych ludziej z rehijonaŭ. Adnak, ja dumaju, što hetaha uładam zrabić nie ŭdałosia, a atrymałasia chutčej naadvarot — dobry treninh pa pabudovie kamandy. Usie vyjšli ź milicyi ŭ narmalnym nastroi, abmierkavali, što budziem rabić dalej», — adznačyŭ namieśnik staršyni» Havary praŭdu».
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali9
Kamientary