Łukašenka miarkuje, što hałoŭnaje prava čałavieka — prava na žyćcio
Na sustrečy z kiraŭnikami niekatorych ŚMI krain SND 21 kastryčnika ŭ Minsku Alaksandr Łukašenka vykazaŭsia nakont prava čałavieka na žyćcio.
«Kali ŭ ciabie nie budzie prava na žyćcio, na zarpłatu, na pracu, tady vykazvajsia, jak chočaš, atrymlivaj lubuju infarmacyju, a karyści ad hetaha budzie mała. Ja zaŭsiody staŭlu na pieršaje miesca pa ranžyru pravoŭ čałavieka prava na žyćcio. Heta samaje kaštoŭnaje».
Jon adznačyŭ, što na postsavieckaj prastory nie pryniata hučna zajaŭlać ab kaštoŭnaściach, jakija abjadnoŭvajuć narody hetych krain. Bolš hučna ab hetych kaštoŭnaściach havorać na Zachadzie.
«My čamuści saramliva havorym pra kaštoŭnaści na ich fonie, nibyta ŭ ich heta kaštoŭnaści, a ŭ nas heta nie kaštoŭnaści», — adznačyŭ kiraŭnik dziaržavy.
Razam z tym, dadaŭ jon, nasupierak hučnym zajavam ab pravach čałavieka zachodniejeŭrapiejskija krainy i ZŠA časta parušajuć bazavyja kaštoŭnaści.
U jakaści prykładu Łukašenka pryvioŭ bambiožki Iraka vojskami NATO pa nadumanaj padstavie — nibyta najaŭnaści jadziernaj zbroi ŭ Sadama Chusiejna.
Łukašenka raskazaŭ, što pierad pačatkam bambiožki da jaho pryjazdžaŭ pasłańnik tahačasnaha prezidenta ZŠA Buša z prośbaj padtrymać interviencyju ŭ Irak i paćvierdzić najaŭnaść jadziernaj zbroi ŭ prezidenta Iraka, abiacajučy za heta «załatyja hory».
Pačuŭšy admovu i ŭ adkaz na zajavu nie pačynać apieracyju ŭ Iraku, pasłańnik Buša, pavodle słoŭ Łukašenki, skazaŭ: machavik vajny raskručany nastolki, što spynić jaho ŭžo niemahčyma.
Ciapier z-za vajennaj apieracyi NATO i ZŠA ŭ Iraku amal štodzionna zdarajucca terakty, u jakich hinuć ludzi. «A my molimsia na ich kaštoŭnaści», — padkreśliŭ biełaruski kiraŭnik.
-
Žurnalista Alesia Lubienčuka paŭtorna asudzili na čatyry hady, ale častkova adbyłosia zaličeńnie raniejšaha «złačynstva»
-
Biełarusbank uvodzić kamisiju za pryjom najaŭnych u rasijskich rublach
-
Što za Biełaruskaja vyzvolnaja armija, čyj znak zaŭvažyli ŭ zvarocie Zialenskaha z ultymatumam da Łukašenki?
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty5
Kamientary