U niadzielu 17 listapada mohiłki ŭ vioscy Sakałoŭka, što ŭ Vilejskim rajonie, naviedali pravasłaŭny śviatar i miascovyja žychary. Pierad hetym na adnoŭlenym nadmahilli źjaviŭsia kryž i plita ź imionami achviaraŭ, paviedamlaje Vialejka.info.
Da mahiły rasstralanych u 1942 hodzie žycharoŭ sabrałasia try dziasiatki čałaviek: miascovyja ludzi, vychadcy ź vioski, siabry Tavarystva achovy pomnikaŭ. Zamiest sastarełaha za paŭstahodździe pomnika nad pachavańniem zalili bietonnuju nadmahilnuju plitu, pastavili dvuchmietrovy pravasłaŭny kryž ź nieržaviejučaj truby.
Da kryža prymacavali hranitnuju plitu z proźviščami pachavanych žycharoŭ. Kala kryža ŭstalavali infarmacyjny stend, na jakim raspaviadajecca ich hibiel. Usie pracy kaardynavaŭ Aleś Ratkievič.
Śviatar Michaił Staciuk pravioŭ malebien pa achviarach i aśviačeńnie adnoŭlenaj brackaj mahiły. Paśla ajciec Michaił vystupiŭ z zaklikam da prymireńnia, zaklikaŭ i dalej praciahvać takija raboty pa ušanavańni pamiaci prodkaŭ.
Ajciec Michaił naviedaŭ taksama i druhuju mahiłku, dzie spačyvajuć piać čałaviek, zabitych nacystami.
Kamientary