Trahiedyja zdaryłasia ŭ sieradu paśla 16:00. Ad daktaroŭ pastupiła paviedamleńnie, što ŭ sažałcy na vulicy Kamienščykava ŭ pratocy «Vołatava», pravalilisia pad lod troje druhakłaśnikaŭ.
Da prybyćcia padraździaleńniaŭ MNS prachožy, pačuŭšy kryki ab dapamozie, spuściŭsia da vadajoma i ŭbačyŭ na pavierchni vady dvuch dziaciej.
Adnaho z chłopčykaŭ mužčyna paśpieŭ vyratavać. Druhi źnik pad vadoj. Pieršaje dzicia z papiarednimi dyjahnazam «pieraachaładžeńnie» było dastaŭlena ŭ balnicu.
Vadałazy dastali z vady dvuch siamihadovych dziaciej. Pavodle papiaredniaj infarmacyi, druhakłaśniki pavinny byli znachodzicca ŭ hrupie padoŭžanaha dnia.
Z rodnymi dziaciej i vyratavanym dziciem pracujuć psichołahi MNS.
Śledčy kamitet čarhovy raz źviartaje ŭvahu baćkoŭ i asob, jakija zajmajucca vychavańniem niepaŭnaletnich, na nieabchodnaść zachadaŭ pa niedapuščeńni znachodžańnia dziaciej na patencyjna niebiaśpiečnych abjektach: budplacoŭkach, niedabudavanych budynkach, piasčanych karjerach, vadajomach.
Kamientary