U Biełarusi budzie praviedziena raptoŭnaja pravierka Uzbrojenych sił. Takuju zadaču pastaviŭ Alaksandr Łukašenka 16 studzienia, prymajučy z dakładam dziaržaŭnaha sakratara Rady biaśpieki Alaksandra Miažujeva.
«My ni ad kaho nie chavali, što nam u niejki čas daviadziecca surjozna pravieryć našy Uzbrojenyja siły. Navat niahledziačy na toje, što (treba addać naležnaje, i ja ŭžo pra heta kazaŭ) za minuły hod Uzbrojenyja siły byli na dobrym uzroŭni i niamała zroblena ministram.
Ale tym nie mienš niedatykalnych u krainie niama. My pavinny, asabliva ludziej u pahonach, praviarać na pradmiet hatoŭnaści dziejničać u luboj situacyi ŭ luby čas», — skazaŭ jon.
Alaksandr Łukašenka nahadaŭ, što daručaŭ prapracavać prapanovy pa raptoŭnaj praviercy Uzbrojenych Sił i asobnych častak. «Heta nie pavinna być farmalnym, heta pavinna być vielmi surjozna. My nie dla pakazuchi heta robim, dy i hrošaj u nas niama, kab zajmacca pakazuchaj», — adznačyŭ jon.
«Tamu, zychodziačy z hetych kryteryjaŭ, ja chacieŭ by pačuć, jak i što my budziem rabić.
Naturalna, hetaja razmova pavinien być zakrytaj, bo heta raptoŭnaja pravierka i nichto va Uzbrojenych siłach pra heta viedać nie pavinien.
Usie materyjały i rašeńni, jakija buduć pryniaty siońnia i nadalej da pravierki, pavinny nasić absalutna zakryty charaktar», — padkreśliŭ Alaksandr Łukašenka.
Alaksandr Miažujeŭ paviedamiŭ ab płanie raptoŭnaj pravierki Uzbrojenych Sił, padrychtavanym u adpaviednaści z raniej dadzienymi daručeńniami.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?77
Kamientary