Alaksandr Łukašenka ŭhanaravaŭ dziaržaŭnymi ŭznaharodami chakieistaŭ i trenieraŭ «za značny asabisty ŭniosak u raźvićcio spartyŭnaj śfiery krainy, dasiahnieńni vysokich spartyŭnych vynikaŭ, aktyŭnaść u hramadskim žyćci».
U pryvatnaści, miedalom «Za pracoŭnyja zasłuhi» ŭznaharodžany hałoŭny trenier i spartsmien-instruktar AAT «Chakiejny kłub» Nioman» Aleh Małaškievič i Viačasłaŭ Lisičkin, staršy trenier Babrujskaha filijała «Dynama-Šyńnik» ZAT «chakiejny kłub «Dynama-Minsk» Alaksandr Makrycki, trenier chakiejnaha kłuba «Junactva-Minsk» Uładzimir Mielančuk, spartsmien-instruktar chakiejnaha kłuba «Mietałurh-Žłobin» Alaksiej Płotnikaŭ, spartsmien-instruktar chakiejnaha kłuba «Homiel» Siarhiej Staś, člen kamandy prezidenta Biełarusi pa chakiei Siarhiej Šabanaŭ.
Hanarovaje zvańnie «Zasłužany majstar sportu Respubliki Biełaruś» prysvojena spartyŭnamu dyrektaru chakiejnaha kłuba «Šachcior» Alaksandru Alaksiejevu, trenieru-vykładčyku śpiecyjalizavanaj dziciača-junackaj spartyŭnaj škoły alimpijskaha reziervu № 5 Jaŭhienu Letavu, trenieru chakiejnaha kłuba «Šachcior» Uładzimiru Śvitu, spartsmienu-instruktaru chakiejnaha kłuba «Junactva-Minsk» Maksimu Słyšu.
Padziaku prezidenta za vysokija spartyŭnyja dasiahnieńni i značny asabisty ŭkład u raźvićcio biełaruskaha sportu abjaŭlena trenieru dziciača-junackaj spartyŭnaj škoły «Dynama» pa chakiei z šajbaj Andreju Kavalovu, spartsmienu-instruktaru chakiejnaha kłuba «Mietałurh-Žłobin» Alaksandru Radzinskamu, členu kamandy prezidenta pa chakiei Alaksieju Citaŭcu.
Nahadajem, što na minułym tydni Alaksandr Łukašenka ŭznaharodziŭ miedalom «Za pracoŭnyja zasłuhi» členaŭ svajoj chakiejnaj kamandy.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam11
Kamientary