U nas «čto-to nie tak?» — «U Biełarusi ŭsio nie tak!» Videaapytańnie
U hetyja maroznyja dni ŭ centry Minska prachodziać zdymki adnoj z scen filma «Aviel». Napiaredadni zdymałasia «sproba šturmu demanstrantami Doma ŭrada». Studentam u masoŭcy zabaranili vykarystoŭvać apazicyjnuju simvoliku, a taksama kryčać «Žyvie Biełaruś!». Zamiest hetaha mitynhoŭcy kryčali «My protiv» i «Čto-to nie tak».
Učapiŭšysia za apošni voklič, karespandenty BiełaPAN vyrašyli źviarnucca da minčukoŭ z pytańniem «U Biełarusi ŭsio dobra ci čto-to nie tak?»
Voś niekatoryja z adkazaŭ …
«Ja, jak narmalny biełarus, liču, što ŭ nas usio vielmi drenna. Pahladzicie na piensijanieraŭ — što jany kuplajuć? Chleb, małako. I doŭha dumajuć, kupić im baton ci nie kupić. Pra što možna kazać?»
«U nas usio nie tak. Pa-pieršaje, u nas u krainie zusim niama demakratyi. Niama paradku ŭ miedycynie, adukacyi — ludzi prynižanyja».
«Nie zusim usio dobra, napeŭna. Naprykład, z apošniaha nie padabajecca novy padatak na mašyny. Ja jezdžu mała, ale płacić pryjdziecca ŭsio adno».
«Štości — tak, štości — nie tak. Mnie, naprykład, padabajecca biaśpieka ŭ našaj krainie, dla mianie, jak dla mamy, heta vielmi važna».
«U nas usio vydatna! Tolki z nadvorjem nie pašancavała sioleta».
«Mnie žyviecca dobra, astatnim — nie viedaju. Chutka budzie čempijanat śvietu pa chakiei — heta vielmi dobra dla Biełarusi».
«Liču, što ruchajemsia ŭ pravilnym napramku. Pa-pieršaje, u nas stabilnaść. A što treba zrabić — pavysić zarabotnuju płatu, ale tak, kab jana adpaviadała ŭzroŭniu pradukcyi. Voś tady ŭ nas i inflacyi nie budzie».
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary