Siońnia ŭ Horłaŭcy sieparatysty zachapili budynak Horłaŭskaha harupraŭleńnia milicyi ŭ Danieckaj vobłaści.
«U 12.50 častcy asabovaha składu adździaleńnia va ŭnutranym dvary niechta ŭ kamuflažy, jaki adrekamiendavaŭsia padpałkoŭnikam rasijskaha vojska ź Simfieropala i pradjaviŭ rasijski pašpart «pradstaviŭ» novaha načalnika — čałavieka ŭ cyvilnym Šulženku Alaksandra Fiodaraviča», — paviedamlaje deputat Adeskaha abłsavieta Alaksiej Hančarenka.
U toj ža čas, z razhromlenaha budynka vyvieli dziejučaha načalnika. Zbroju aficer sieparatystam nie zdaŭ, jaho pasadzili ŭ mašynu.
Pavodle słoŭ Hančarenki, Horłaŭka była adnym ź niamnohich haradoŭ Danieckaj vobłaści, dzie milicyja na čale z pałkoŭnikam Andrejem Kryščankam akazvała supraciŭ sieparatystam. Adnak za dvoje sutak nichto da ich nie pryjšoŭ na dapamohu i adździaleńnie milicyi zdałosia.
Hančarenka raspavioŭ, što šturmavaŭ adździaleńnie milicyi natoŭp z 200-250 čałaviek, jakija byli z hieorhijeŭskimi stužkami, u maskach. Jany byli ŭzbrojeny kamianiami, pałkami, mietaličnymi ščytami, kaktejlami Mołatava.
Kamientary