Vajennyja raspaviali pra padrabiaznaści začystki Kramatorskaha aeradroma
U natoŭpie, jaki atačyŭ zachopleny ŭkrainskim śpiecnazam aeradrom u Kramatorsku byli ŭzbrojenyja ludzi.
Pra heta ŭ intervju žurnalistam, videa jakoha raźmieščana na sajcie MUS, raspavioŭ pradstaŭnik uzbrojenych sił, jaki pradstaviŭsia namieśnikam atrada śpiecyjalnaha pryznačeńnia, zaniaŭ aeraport.
«6 čałaviek byli z aŭtamatami AKS-U, adzin — sa snajpierskaj vintoŭkaj», — adznačyŭ pradstaŭnik śpiecnaza.
Taksama jon prademanstravaŭ bajavuju hranatu, jakuju pakinuli ŭ aeraporcie sieparatysty.
Bramu KPP zabłakavali traktaram, na peŭnaj adlehłaści raźmieščana barykada z rasijskim ściaham. Śpiecnazaviec raspavioŭ, što ukrainskich vajskoŭcaŭ nieadnarazova pravakavali, i jany byli vymušanyja navat stralać u pavietra.
Kolkaść mitynhoŭcaŭ vajenny acaniŭ u niekalki sotniaŭ. Pavodle jaho słoŭ, nočču jany pačali raśpivać ałkaholnyja napoi i śpiavać. Pry hetym pradstaŭnik sieparatystaŭ zapeŭnivaŭ ŭkrainskich vajskoŭcaŭ na aeradromie, što šturmu nie budzie.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam10
Kamientary