Ministr padatkaŭ va ŭradzie Janukoviča skraŭ 700 młn dalaraŭ: stvaraŭ «prahramnyja pradpryjemstvy»
Niezakonnaja dziejnaść byłoha ministra padatkaŭ i zboraŭ Ukrainy Alaksandra Klimienka i padkantrolnych jamu pradpryjemstvaŭ pa ŭchileńni ad vypłaty padatkaŭ u 2012—2013 h. naniesła ŭkrainskaj dziaržavie škodu ŭ sumie bolš za 6 młrd hrn, paviedamlaje pres-słužba Hienieralnaj prakuratury Ukrainy.
U viedamstvie nahadali, što Hałoŭnaje śledčaje ŭpraŭleńnie Hienprakuratury pravodzić dasudovaje rasśledavańnie ŭ kryminalnym vytvorčaści pa fakcie złoŭžyvańnia ŭładaj i słužbovym stanoviščam eks-ministram A.Klimienkam i inšymi słužbovymi asobami ministerstva, a taksama ŭchileńnia ad vypłaty padatkaŭ u asabliva bujnych pamierach (č. 2 art. 364, č. 3 art. 212 Kryminalnaha kodeksa Ukrainy).
Vyśvietlena, što A.Klimienka, złoŭžyvajučy słužbovym stanoviščam, pa papiaredniaj zmovie ź inšymi asobami Minprybytkaŭ, arhanizavaŭ u Adeskaj, Kijeŭskaj, Danieckaj i Charkaŭskaj abłaściach tak zvanyja «prahramnyja» pradpryjemstvy dla pradastaŭleńnia pasłuh pa razmytnioŭcy tavaraŭ na terytoryi Ukrainy pa značna zanižanaj mytnaj canie.
Pavodle infarmacyi pres-słužby,
pryncyp pracy złačynnaj schiemy zaklučaŭsia va ŭchileńni i minimizacyi vypłaty padatkaŭ i zboraŭ u dziaržbiudžet Ukrainy šlacham realnaha pamianšeńnia vahi hruzu z padrobkaj supravadžalnych dakumientaŭ,
źmieny ŭ supravadžalnych dakumientach na hruz kłasifikacyi i kodaŭ tavaraŭ na bolš tanny, čym u rečaisnaści.
Akramia taho, padčas dasudovaha rasśledavańnia vyjaŭlena, što na praciahu 2012-2013 h. A.Klimienka pa papiaredniaj zmovie sa słužbovymi asobami ministerstva i słužbovymi asobami subjektaŭ haspadarčaj dziejnaści arhanizavaŭ dziejnaść na terytoryi krainy schiemy ŭchileńnia ad vypłaty padatkaŭ pradpryjemstvami realnaha siektara ekanomiki. Schiema zaklučałasia ŭ pradastaŭleńni nazvanym pradpryjemstvam mahčymaści karystacca pasłuhami «abnaličvalnych» strukturaŭ, padkantrolnych eks-ministru, z metaj minimizacyi padatkovych abaviazacielstvaŭ i niezakonnaha farmiravańnia padatkovaha kredytu pa PDV.
«U vyniku niezakonnaj dziejnaści nazvanych pradpryjemstvaŭ i samoha Klimienki biudžetu Ukrainy naniesieny ŭron na sumu bolš za 6 młrd hrn», - padkreślili ŭ pres-słužbie Hienprakuratury.
U ciapierašni čas praciahvajucca mierapryjemstvy pa vyjaŭleńni miesca znachodžańnia Klimienki.
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty5
Kamientary