Upraŭleńniem Śledčaha kamiteta pa Viciebskaj vobłaści raspačata kryminalnaja sprava ab złoŭžyvańni słužbovymi paŭnamoctvami dyrektaram dziaržaŭnaha transpartnaha pradpryjemstva Navapołacka.
U vyniku supraćpraŭnych dziejańniaŭ słužbovaj asoby pradpryjemstvu naniesieny majomasny ŭron nie mienš jak na 100 młn rubloŭ.
Jak paviedamiŭ aficyjny pradstaŭnik USK pa Viciebskaj vobłaści Ina Harbačova, śledstvam ustanoŭlena, što hetaja słužbovaja asoba ź lipienia 2011 hoda pa žnivień 2012 hoda, vykarystoŭvajučy svaje słužbovyja paŭnamoctvy, sistematyčna davała niezakonnyja ŭkazańni na apłatu turystyčnych pasłuh, akazanych jaho svajakam, za košt srodkaŭ pradpryjemstva.
Dziejańni kiraŭnika kvalifikavanyja na padstavie č. 3 art. 424 KK (złoŭžyvańnie słužbovymi paŭnamoctvami). Zaraz ustanaŭlivajecca dakładnaja suma naniesienaha ŭronu.
Kamientary