Zakryty praces pačniecca 16 červienia.
Alaksandru Ł. pahražaje da 10 hadoŭ źniavoleńnia. Zakryty sud budzie adbyvacca ŭ śpiecyjalna achoŭvanaj zale Akruhovaha suda, piša polskaja «Hazieta vyborča».
Detali spravy zastajucca nieviadomymi. Viadoma, što abvinavačvańnie pieradadzienaje ŭ sud u lutym apielacyjnaj prakuraturaj Varšavy. Biełarusa abvinavačvajuć pa art. 130 častcy 1 Kryminalnaha kodeksa, jakaja sfarmulavana tak: «Chto biare ŭdzieł u dziejnaści varožaj vyviedki suprać Polščy, padlahaje pakarańniu pazbaŭleńniem voli ad hoda da dziesiaci hadoŭ».
Biełarusa taksama abvinavačvajuć pa artykule ab vyrabie i vykarystańni padrobnych dakumientaŭ.
U pačatku hoda prajšła infarmacyja pra zatrymańnie dvuch hramadzian Biełarusi, jakich padazravali ŭ špijanažy. Havaryłasia, što adzin ź ich, 41-hadovy, užo dva hady znachodzicca pad aryštam. Jon niekalki hadoŭ supracoŭničaŭ z aficerami vajskovaj vyviedki, jakija ličyli jaho svajoj krynicaj u biełaruskich śpiecsłužbach i płacili za infarmacyju. Tady polskija ŚMI pisali, što taja infarmacyja akazałasia dezinfarmacyjaj.
Pisali taksama, što i adnaho, i druhoha zatrymanaha cikavili źviestki pra polskija Uzbrojenyja siły.
U sakaviku śpieckamisiju Sojma painfarmavali pra spravu na nietypovym pasiadžeńni. Jano adbyłosia nie ŭ Sojmie, jak zvyčajna, a ŭ budynku śpiecsłužby. Na pasiedžańni havaryłasia pra dva asobnyja rasśledavańni, tak pisali, prynamsi.
Adzin z prysutnych tam deputataŭ paźniej raskazaŭ, što adna z asob źbirała dalikatnuju infarmacyju pra klučavyja elemienty sistemy nacyjanalnaj abarony, a druhaja imknułasia da «destabilizacyi dziaržavy», piša «Vyborča».
Apošniaja padobnaja sprava razhladałasia ŭ Varšavie ŭ 2009 hodzie, kali Akruhovy sud Varšavy sudziŭ hramadzianina Biełarusi Siarhieja Moniča, zatrymanaha ŭ 2006 hodzie.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali10
Kamientary