Prezident Rasii Uładzimir Pucin daručyŭ Ministerstvu zamiežnych spraŭ vystupić z demaršam pierad ukrainskim bokam u suviazi z parušeńniem rasijskaj miažy ukrainskimi vajskoŭcami.
Pra heta rasijskamu «Interfaksu» paviedamiŭ pres-sakratar kiraŭnika dziaržavy Dźmitryj Piaskoŭ.
«Pucin daŭ daručeńnie rasijskamu źniešniepalityčnamu viedamstvu vystupić z adpaviednym demaršam pierad ukrainskim bokam u suviazi z parušeńniem rasijskaj miažy ukrainskimi vajskoŭcami», — skazaŭ jon.
Kiraŭnik pres-słužby Pamiežnaha ŭpraŭleńnia FSB Rasii pa Rastoŭskaj vobłaści Vasil Małajeŭ zajaviŭ, što ŭkrainskaja bajavaja mašyna piachoty ŭ noč na 13 červienia nibyta parušyła dziaržaŭnuju miažu Rasii ŭ Rastoŭskaj vobłaści.
Pavodle paviedamleńnia, bajavaja mašyna piachoty, što parušyła miažu, spyniłasia na terytoryi Rasii ŭ rajonie horada Milerava.
«Vajskoŭcy, jakija znachodzilisia ŭ BMP, pakinuli jaje i viarnulisia na terytoryju Ukrainy, ale zatym viarnulisia nazad i pasprabavali viarnuć mašynu. Hetaja sproba była spyniena pamiežnikami, i parušalniki miažy retyravalisia. BMP znojdziena, pa fakcie zdareńnia pravodzicca daśledčaja pravierka», — cytuje paviedamleńnie pres-słužby rasijski «Interfaks».
Ciapier čytajuć
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj4
«Ni pra što nie škaduj, Śvieta. Žyvie Biełaruś». Śviatłana Kurs napisała list samoj sabie, 15‑hadovaj
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary