Rabavańnie banka z dapamohaj śmiećcievaha pakieta i švabry ździejśniła prybiralščyca adnoj ź finansava-kredytnych ustanoŭ Navarasijska, paviedamlajuć miascovyja ŚMI.
Złamyśnica myła padłohu, pryčym va ŭsich pamiaškańniach. I voś žančyna, jakaja spraŭna prybirała pakoi kožny dzień u hetym banku, nie strymałasia pierad spakusaj, ubačyŭšy adkrytuju jačejku schovišča. Jana chutka «abiasškodziła» švabraj kamieru videanazirańnia i vykrała hrošy. Vynieści ich udałosia dziakujučy tamu, što jana schavała skradzienaje ŭ miašku dla śmiećcia.
Śledčyja ŭstanavili, što byli vykradzieny kupiury, pryznačanyja dla raźmienu (ich naminał ad 50 rubloŭ da 5000). Prybiralščyca viedała, što schovišča abstalavana kamieraj videanazirańnia. Jana z dapamohaj švabry sarvała draty i vyvieła sa stroju niepažadanuju techniku.
Adnak pradbačlivaja vykradalnica nie ŭsio zmahła ŭličyć. Žančynu znajšli pa adbitkach palcaŭ i śladach abutku, a taksama byli prahledžanyja zapisy ź dźviuch inšych kamier, i śledčyja vyśvietlili, što ŭ momant kradziažu ŭ budynku znachodziłasia tolki prybiralščyca.
Krychu paźniej byli znojdzienyja i inšyja rečavyja dokazy, jakija paćvierdzili hetuju viersiju. Padazravanaja nie admaŭlała vinu, a patłumačyła, što vykradzienyja hrošy puściła na vypłatu kredytu.
Uzbudžanaja kryminalnaja sprava, dakładnaja suma vykradzienych srodkaŭ nie nazyvajecca.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie5
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary