Łukašenka stancavaŭ z samaj nadziejnaj vypusknicaj i zaklikaŭ studentaŭ nie źjazdžać FOTAFAKT
«Źviazvajcie svaju budučyniu abaviazkova ź Biełaruśsiu. Nie šukajcie pryvidnaha ščaścia za jaje miežami. Bo pa-sapraŭdnamu možna być ščaślivym tolki na Radzimie, siarod svaich siabroŭ i blizkich. Jašče viadomy fiłosaf Valter kazaŭ, što ludzi niaredka iduć daloka šukać toje, što majuć u siabie doma», — zajaviŭ Alaksandr Łukašenka 27 červienia na respublikanskim bali vypusknikoŭ vyšejšych navučalnych ustanoŭ.
«U zaŭtrašni dzień vy možacie hladzieć upeŭniena i śmieła. Suvierennaja i niezaležnaja Biełaruś — dziaržava maładaja i ŭjaŭlaje vialikuju prastoru dla prykładańnia vašych sił i zdolnaściaŭ», — cytuje kiraŭnika dziaržavy jaho pres-słužba.
Jak adznačyŭ Łukašenka, atrymańnie dypłoma ab vyšejšaj adukacyi, a razam ź im i tryvałych viedaŭ adkryvaje pierad vypusknikami šyrokija pierśpiektyvy. «Dziejničajcie, stvarajcie, staŭcie pierad saboj ambicyjnyja mety i starajciesia dasiahać ich. Tolki nie budźcie pasiŭnymi i, samaje hałoŭnaje, nie pałochajciesia žyćciovych ciažkaściaŭ. Śmieła, metanakiravana idzicie napierad. Tady pryjdzie da vas i pośpiech u spravach, i pryznańnie kaleh», — nakazvaŭ vypusknikam prezident.
Łukašenka taksama padkreśliŭ važnaść jak dla kožnaha z vypusknikoŭ, tak i dla ŭsioj krainy taho faktu, što jany papoŭniać rady śpiecyjalistaŭ z vyšejšaj adukacyjaj — ludziej, ad umieńnia i enierhii jakich šmat u čym zaležyć dabrabyt dziaržavy i hramadstva, raźvićcio ekanomiki, kultury i inšych śfier žyćciadziejnaści.
Dziaržava, pavodle słoŭ Łukašenki, starajecca stvaryć spryjalnyja ŭmovy dla stanaŭleńnia maładych śpiecyjalistaŭ, pavyšeńnia ich kvalifikacyi i karjernaha rostu. Tamu jon zaklikaŭ vypusknikoŭ aktyŭna dałučacca da madernizacyi ekanomiki, raspracoŭki i ŭkaranieńnia najnoŭšych technałohij, realizacyi pierśpiektyŭnych sacyjalnych i kulturnych pytańniaŭ.
Ciapier čytajuć
35‑hadovy dalnabojščyk ź Biełarusi raptoŭna pamior u Kitai. Heta muž samaj tytułavanaj biełaruskaj dziudaistki2
Kamientary