Udzielniki vieča na Majdanie Niezaležnaści ŭ Kijevie padtrymali patrabavańnie ab admienie režymu spynieńnia ahniu na ŭschodzie Ukrainy, uviadzieńni ŭ hetym rehijonie vajennaha stanovišča, a taksama zapatrabavali adchilić ad viadzieńnia pieramovaŭ kiraŭnika hramadskaj arhanizacyi «Ukrainski vybar» (i kuma Pucina) Viktara Miedviedčuka, paviedamlaje ahienctva «Interfaks-Ukraina»
Na piataje vieča na Majdanie sabrałasia niekalki tysiač čałaviek.
Da ich dałučylisia pradstaŭniki dobraachvotnickich bataljonaŭ «Danbas», «Dniepr» i «Ajdar», Rady sotniaŭ i hramadskich arhanizacyj Majdana, jakija raniej pikietavali budynak administracyi prezidenta ŭ Kijevie.
Ludziej zaprasili na nastupnuju niadzielu znoŭ pryjści na vieča, a ŭ aŭtorak zaklikali pryjści da Viarchoŭnaj Rady i patrabavać ad deputataŭ pryniaćcia novaha zakona ab vybarach.
Pierad začytvańniem zvarotu, aktyvisty sotniaŭ Majdana papiaredzili prezidenta Ukrainy Piatra Parašenku, što
hetaja niadzielnaja akcyja moža stać apošniaj mirnaj,
pakolki jon maje prysłuchacca da sapraŭdnaha nośbitu ułady — narodu Ukrainy, piša UNIAN.
Kamandzir bataljona «Danbas» Siamion Siamienčanka, vystupajučy sa sceny, raspavioŭ, što ŭkrainskija vajskoŭcy znachodziacca ŭ žachlivym stanoviščy, bo srodki, nakiravanyja ŭradam na ich zabieśpiačeńnie, nie traplajuć da adrasata.
-
Rasija zakryła čyhunačnyja punkty propusku na miežach ź Finlandyjaj, Estonijaj i Łatvijaj. Pryčyna i namier pakul niajasnyja
-
Viarchoŭny sud ZŠA vyznačyŭ, što prava na hramadzianstva pa naradžeńni zastajecca ŭ sile. Jaho sprabavaŭ admianić Tramp
-
Samaje zasušlivaje miesca ŭ śviecie časam pieratvarajecca ŭ kvietkavy dyvan
Kamientary