U Maskvie na Maniežnaj płoščy razahnali čarhovuju akcyju ŭ padtrymku «viaźniaŭ 6 traŭnia».
U žorstkaj formie byli zatrymanyja nie mienš za 12 udzielnikaŭ akcyi ŭ padtrymku fihurantaŭ «Bałotnaj spravy» i ŭsich palitviaźniaŭ.
Adnamu z zatrymanych udzielnikaŭ akcyi na Maniežnaj płoščy palicejskija raźbili hałavu ab aŭtazak.
Vosiem čałaviek ź liku zatrymanych trymali raściažku sa słovami «Svabodu palitviaźniam!». Pavodle źviestak AUS-Infa, heta Kaciaryna Maldon, Ała Frałova, Siarhiej Šaŭšukoŭ, Anton Drazdoŭ, Rejda Lin, Alaksandr Makaraŭ, Maksim Čakanaŭ, a taksama čałaviek, jaki admoviŭsia nazyvać svajo imia.
Pikiety z patrabavańniem vyzvalić «viaźniaŭ Bałotnaj» prajšli ŭ niadzielu nie tolki ŭ Maskvie, ale i ŭ Archanhielsku, Krasnajarsku i šerahu inšych haradoŭ.
6 traŭnia 2012 hoda mirnaje šeście, jakoje pavinna było skončycca mitynham na Bałotnaj płoščy ŭ Maskvie, pierarasło ŭ sutyknieńni z palicyjaj. Była raspačataja kryminalnaja sprava ab masavych biesparadkach. U rozny čas pavodle jaje prachodzili fihurantami 33 čałavieki: 11 ź ich byli amnistavanyja, Alaksandra Duchanina (Navumava) atrymała ŭmoŭny termin, 8 fihurantaŭ byli asudžanyja da realnych terminaŭ źniavoleńnia - ad 2,5 da 4 hadoŭ. Michaił Kasienka byŭ adpraŭleny na prymusovaje psichijatryčnaje lačeńnie.
U apošnija dva tydni śledčyja zatrymali jašče traich abvinavačanych: dvoje byli adpuščanyja pad padpisku ab niavyjeździe, adzin - aryštavany na dva miesiacy. Śledstva pavodle spravy padoŭžanaje da 6 listapada.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary