Adnak tyja, chto dabiarecca da Haradka, zmohuć pasłuchać Lavona Volskaha, paznajomicca z zasnavalnikami festu i pahladzieć kino pra pieršy fiestyval.
Arhanizatary sioletniaha «Basovišča» nie zmahli damovicca z konsulstvam Polščy ŭ Biełarusi nakont vydańnia viz dla naviedvalnikaŭ fiestyvalu.
«U hetym hodzie, na žal, nie budzie viz. Bo konsulstva skazała, što šmat asob ciapier źviartajecca da ich pa vizy. Tamu jany nie ŭ stanie zadavolić patreby ŭsich žadajučych», — raspaviadaje adzin z arhanizataraŭ «Basovišča» Maćviej Sievaśćianik.
Adnak, abiacajuć stvaralniki sioletnich «Basoŭ», usie, chto ŭsio ž samastojna dabiarecca da Haradka, zmohuć akunucca ŭ niepaŭtornuju atmaśfieru śviata biełaruskaj muzyki.
«Siońnia my robim staŭku na łajn-ap, — praciahvaje Maćviej. — Adnak aproč hruntoŭnaj muzyčnaj častki naviedvalnikaŭ čakaje pakaz filmaŭ maładych polskich režysioraŭ, abjadnanych u prajekcie «Filmowe Podlasse atakuje». Da taho ž, u kinazale buduć krucicca staryja filmy pra pieršyja «Basy» z pryvatnych kalekcyj pačynalnikaŭ festu. Budzie arhanizavanaja dziciačaja zona na feście».
Va ŭračystym adkryćci 25-ha festu płanujecca sabrać usich ludziej, źviazanych ź jaho naradžeńniem, siarod jakich buduć staršyni BASu, muzyki, mastaki i inšyja addanyja imprezie asoby. Pa dobrym zvyčai, kancerty buduć źmianiacca dydžejskimi setami.
Nahadajem, jubilejny fiestyval «Basovišča» tradycyjna projdzie ŭ miastečku Haradok, niedaloka ad biełaruska-polskaj miažy 18-19 lipienia. Čakajecca, što na im vystupiać Lavon Volski ź dziciačym choram, «Krama», «Troica», Nizkiz, Avias, IQ48,:B:N:, R.U.T.A., TT-34, «Tłušč». Na žal, zajaŭleny raniej hurt Neuro Dubel u Haradok nie pryjedzie. Arhanizatary šukajuć jamu zamienu.
Ciapier čytajuć
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary