Katarcam padaryli 25 ha lesu pad Minskam pad rezidencyju, a pobač pasialili KDB
Araby abharadzili ziamlu vakoł Dubraŭskaha vadaschovišča.
9 lipienia 2012 hoda Alaksandr Łukašenka padpisaŭ ukaz «Ab pieradačy Dziaržavie Katar ziamielnych učastkaŭ dla budaŭnictva rezidencyi i palaŭničych valjeraŭ».
Kiraŭnik krainy zahadaŭ padaryć arabam nadzieły ŭ Smalavickim i Łahojskim rajonach. Pakolki zamiežniki nie mohuć vałodać biełaruskaj ziamloj, Kataru davali jaje ŭ arendu na 99 hadoŭ. Ukaz byŭ vydadzieny z hryfam «dla słužbovaha karystańnia», tamu ŭ ahulny dostup nie trapiŭ.
Abmien ziamielnymi ŭčastkami miž krainami časam praktykujecca, adnak nieviadoma, jaki padarunak byŭ zrobleny Biełarusi ŭ adkaz.
Minabłvykankam vydzieliŭ «učastak dla budaŭnictva i ekspłuatacyi rezidencyi» ŭ krasaviku 2013. I voś ciapier katarcy pačali patrochi asvojvać vydzielenyja ziemli. Jak akazałasia, im dastałasia 25 hiektaraŭ na bierazie Dubraŭskaha vadaschovišča. Hety vadajom byŭ stvorany 30 hadoŭ tamu jak rezierv dla Vilejska-Minskaj vodnaj sistemy. Vakoł jaho ź ciaham času pabudavali dačnyja pasiołki, a na piasčanych plažach uletku adpačyvajuć sotni staličnych žycharoŭ.
Pavarot na Dubrovu znachodzicca na 25-m kiłamietry trasy M3 «Minsk-Viciebsk». Za košt pahorystaha reljefa z darohi nie bačna ni voziera, ni budoŭli.
Kiłamietr darohi pa bietonnych plitach — i pierad vačyma adkryvajecca vid na raskuročany les. Ź dziasiatak starožak abstaŭleny budaŭničaj technikaj, adnak aktyŭnaści nie vidać.
Padradčykam pieršaha etapu budaŭnictva stała kampanija «Manalit hrup». Jaje rabočyja zakapali apory dla budučaha vysačeznaha płota.
Pašparta abjekta na budoŭli nie vidać. Achoŭniki tłumačać, što zamoŭcy pieradumali i admovilisia ad raniejšaha prajekta. Ciapier dakumientacyja nibyta pieraroblivajecca.
Katarcaŭ čakaje cikavaje susiedstva.
Letaś litaralna za sto mietraŭ ad ich byŭ stvorany jašče adzin dačny pasiołak. Sadovaje tavarystva «Bahuta-2» naličvaje kala 40 nadziełaŭ ziamli na bierazie vadaschovišča. Novyja haspadary jašče nie paśpieli dabudavać svaje pałacy. «Bahuta-2» — daloka nie prosty pasiołak. Siarod ułaśnikaŭ ziamli — spres 30—40-hadovyja mužčyny, imiony jakich nieviadomyja ni hramadstvu, ni internetu. Niekatoryja ź ich zarehistravanyja ŭ budynku Kamiteta dziaržaŭnaj biaśpieki.
Dyj staršynia sadovaha tavarystva — načalnik adździeła hałoŭnaha ŭpraŭleńnia KDB.
A vialikaje pole pamiž trasaj i katarskim lesam naležyć prafiesaru Piatru Sinkieviču — heta adzin z ułaśnikaŭ handlova-zabaŭlalnaha kompleksa «Ekspabieł». Ziamlu kala Dubraŭskaha vadaschovišča — a heta amal 48 hiektaraŭ! — jamu vydzielili dla viadzieńnia fiermierskaj haspadarki. Sinkievič atrymaŭ jaje ŭ pažyćciovaje vałodańnie z pravam pieradačy ŭ spadčynu.
Kamientary