U noč z 3 na 4 žniŭnia ŭ balnicu chutkaj miedycynskaj dapamohi Minska trapili piać maładych mužčyn, jakija atrucilisia hrybami. Jany sumiesna ŭžyvali hryby, paviedamiŭ urač-reanimatołah adździaleńnia taksikałohii balnicy Arkadź Kaściukievič 4 vieraśnia na pres-kanfierencyi ŭ Minsku.
Usie piać čałaviek znachodziacca ŭ stabilna ciažkim stanie biez pamiaci. Miarkujecca, jany atrucilisia hrybami z rodu muchamoraŭ, skazaŭ Kaściukievič.
Pavodle jaho słoŭ, u Minsku nazirajecca «ŭstojlivaja tendencyja źmianšeńnia liku vypadkaŭ atručeńnia hrybami». Usiaho ŭ balnicy chutkaj miedycynskaj dapamohi ŭ 2014 hodzie prachodzili lačeńnie bolš za 50 čałaviek, jakija atrucilisia hrybami.
Urač adznačyŭ, što bolšaść vypadkaŭ atručeńnia vyklikanyja ŭžyvańniem nie atrutnych, a ŭmoŭna atrutnych ci navat jadomych hryboŭ. Atručeńni zdarajucca z-za niapravilnaha zachoŭvańnia i parušeńnia technałohii hatavańnia hryboŭ.
Apošni vypadak atručeńnia atrutnymi hrybami byŭ u Minsku ŭ 2009 hodzie, kali, jak miarkujuć, blednaj pahankaj atrucilisia dva čałavieka, jašče piać — hrybam śvinuchaj (kabyłka).
Urač adznačyŭ, što hryby źjaŭlajucca vielmi ciažkaj ježaj, jakuju naohuł nielha ŭžyvać dzieciam da 12 hadoŭ i tym, kamu bolš za 60. Hryby vyklikajuć abvastreńnie chraničnych i ŭźniknieńnie vostrych zachvorvańniaŭ straŭnikava-kišečnaha traktu. Heta vyražajecca rasstrojstvam stravavańnia (rvota, młosnaść, dyjareja).
Urač zaklikaŭ u vypadku źjaŭleńnia padobnych simptomaŭ paśla ŭžyvańnia hryboŭ adrazu pramyć straŭnik, a zatym źviarnucca pa miedycynskuju dapamohu.
Nieabchodna źbirać zaviedama jadomyja hryby, jakija nie vyklikajuć sumnieńnia, skazaŭ jon. Hryby — pradukt chutkapsavalny, tamu ich treba pierabirać i sartavać adrazu. Nie rekamiendujecca kuplać hryby pa-za rynkami, nie adsartavanyja pa vidavym składzie.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary