Jak paviedamiŭ Reuters uciakač z KNDR, ułady krainy stvaryli «Biuro 121», śpiecyjalnaje padraździaleńnie dla kibieratak.
Paŭnočnuju Kareju ŭ Ahienctvie nacyjanalnaj biaśpieki ZŠA padazrajuć siarod inšaha ŭ kibieratakach na amierykanskija kampanii 2 śniežnia. Ułady KNDR admaŭlajuć svoj udzieł u chakierstvie.
Jak raspavioŭ pierabiežčyk, «Biuro 121» źjaŭlajecca padraździaleńniem Nacyjanalnaha vyviednaha ŭpraŭleńnia, dzie pracujuć samyja talenavityja śpiecyjalisty krainy. Biuro biare ŭdzieł va ŭzłomach dla špijanažu za «vorahami dziaržavy» za miažoj.
Biuro naličvaje 1800 chakieraŭ.
Jano maje hrupy, jakija pracujuć u inšych krainach pad prykryćciom. Praca chakieraŭ vysoka apłočvajecca.
Paŭnočnuju Kareju niaredka nazyvajuć samaj zakrytaj krainaj śvietu. Dostup u internet maje tolki šerah arhanizacyj i partyjnych dziejačoŭ. Na 2013 hod naličvałasia ŭsiaho 1300 IP-adrasoŭ KNDR.
U krainie dziejničaje intranet («unutrany internet») «Kvanmion», dostup u jaki dazvoleny «prostym śmiarotnym». Akramia miascovaj prapahandy dy navinaŭ tam prysutničajuć vyhružanyja ź internetu staronki, jakija adpaviadajuć nacyjanalnaj ideałohii Čučchie.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary