Akcyi kampanii Wargaming mohuć być vyklučanyja z katyravalnaha śpisu Kiprskaj fondavaj biržy, pišuć «Viedomosti».
Rada biržy paprasiła Kamisiju pa kaštoŭnych papierach Kipra dazvolić pravieści delistynh akcyj raspracoŭščykaŭ World of Tanks. Kampanija Wargaming nie vykonvaje šerah patrabavańniaŭ biržy, siarod jakich publikacyja finansavych spravazdač.
Ad takoha kroku mohuć paciarpieć intaresy inviestaraŭ Wargaming.
Apošni raz Wargming publikavała finansavyja spravazdačy ŭ žniŭni 2013 hoda. Vynikovaj spravazdačy za 2013 hod niama dahetul, jak i spravazdačy za pieršaje paŭhodździe 2014 hoda.
U mai 2014 hoda Kiprskaja birža prypyniła handal akcyjami Wargaming. Pryčynaj taksama nazyvałasia adsutnaść finansavaj spravazdačy.
U svabodnym abarocie znachodzicca pryblizna 2% akcyj kampanii.
Pa źviestkach za krasavik 2013 hoda 38,5% akcyj naležała zasnavalniku i hiendyrektaru kampanii Viktaru Kisłamu, jašče 25,5% — jaho baćku Uładzimiru Kisłamu. Pa 17% akcyj naležała supracoŭnikam Wargaming Mikałaju Kacałapavu i Ivanu Michnieviču.
Na žnivień 2013 hoda vyručka Wargaming za paŭhodździe skłała $320 młn, a prybytak – $35 młn. Pa prahnozie kampanii Superdata, hadavaja vyručka za 2013 hod musiła skłaści pryblizna $475 młn, a ŭ 2014-m – $506 młn.
Zasnavanaja biełarusami kampanija Wargaming najbolš viadomaja jak raspracoŭščyk anłajn-hulni Word of Tanks, adnoj z samych papularnych anłajn-zabaŭ u śviecie. Štab-kvatera kampanii raźmieščanaja ŭ Łondanie, a centry raspracoŭki – u Minsku, Kijevie i Sankt-Pieciarburhu.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary