Inšaziemnyja hramadzianie ź liku ich byli vydvarany ź Biełarusi.
Sałafisty pranikajuć i ŭ Jeŭropu. Na fota: niamieckija prychilniki radykalnaha isłamizmu. Źleva — baksior Pjer Fohiel, jaki pierajšoŭ u isłam u 2001 hodzie.
Zatrymańnie adbyłosia ŭ kancy minułaha hoda pad Minskam. Paśladoŭniki ruchu sustrakalisia tam u adnym z damoŭ. Pra heta paviedamiŭ telekanał «Biełaruś-1».
«KDB va ŭzajemadziejańni z MUS padčas praviadzieńnia relihijnych abradaŭ zatrymaŭ 20 musulman-sałafitaŭ, relihija jakich zasnavana na pryncypach džychadu i niepryniaćcia lubych vieravyznańniaŭ akramia isłamu», — zajaviŭ kiraŭnik pres-słužby KDB Artur Strech.
Vosiem z zatrymanych byli zamiežnikami.
«Hetaja hrupa sfarmavałasia pad upłyvam zamiežnych misijanieraŭ adnoj z arabskich ekstremisckich arhanizacyj», — raskazała biełaruskaje telebačańnie. Pry hetym adznačajecca, što hetyja ludzi «pačali pierakonvać musulman biełarusaŭ u nietradycyjnych dla viery dziejańniach, dla čaho i litaratura adpaviednaja była, jakaja, darečy, pryznanaja ekstremisckaj».
«Zatrymanyja zamiežnyja hramadzianie za parušeńnie zakanadaŭstva Biełarusi vydvarany z terytoryi krainy», — paviedamiŭ Strech.
Pavodle źviestak telekanała, dziejnaść hrupy vyklikała abureńnie musulmanskaj supolnaści krainy.
Tatary-musulmanie žyvuć u Biełarusi z XIV stahodździa. Tady prytułak im daŭ vialiki kniaź Vitaŭt. Uzamien jany słužyli ŭ vojsku. Im było dazvolena žanicca ź biełaruskami. Tak utvarylisia miascovyja tatarskija hramady.
Tatary chutka pierajšli na biełaruskuju movu. Ich śviatyja knihi addaŭna byli napisanyja biełaruskaj movaj, ale arabskimi litarami. Jany spaviadajuć pamiarkoŭnuju viersiju isłama.
Z tataraŭ vyjšli dziasiatki vydatnych dziejačoŭ biełaruskaha hramadstva i kultury, u tym liku pałkoŭnik Biełaruskaj Narodnaj Respubliki Hasan Kanapacki i budzicieli nacyi braty Łuckievičy.
U apošnija hady ŭ krainie dziejničaje taksama ŭsio bolš musulmanskich hramadaŭ, dzie daminujuć vychadcy z Kaŭkaza i studenty z arabskich krain. Musulmanskija hramady finansujucca pieravažna z saudaŭskich i tureckich fundacyj.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary