Anry Chahuš pakinuŭ BATE. Fota fc-rostov.ru.
Z 68 zamiežnych futbalistaŭ, jakija vystupali ŭ najvyšejšaj lizie čempijanatu Biełarusi ŭ 2014 hodzie, sorak užo pakinuli krainu.
Siem lehijanieraŭ pakinuli «Słuck», šeść — mahiloŭski «Dniapro». Tolki salihorski «Šachcior» zachavaŭ siem svaich zamiežnych hulcoŭ.
Skład čempijona Biełarusi barysaŭskaha BATE pakinuli čatyry ź piaci letašnich lehijanieraŭ. Rasiejec Anry Chahuš staŭ hulcom tulskaha «Arsienała», ukrainiec Andrej Jakaŭleŭ pierabraŭsia ŭ sarataŭski «Sokał», łatvijski hałkipier Hierman Malińš padpisaŭ kantrakt z ryžskim «Skonta». U pošuku pracy pakul znachodzicca sierbski abaronca Niemańja Tubič.
Mienskaje «Dynama» pakinuli čatyry z vaśmi lehijanieraŭ — heta sierb Słabadan Simavič, Frank Dža-Džedže z Kot-dJIvuara, uruhvajec Ernan Fihiereda i narviežac Adama Dyjamande.
Hrodzienski «Nioman» i «Homiel» stracili čatyroch lehijanieraŭ. Čatyry ź piaci zamiežnych hulcoŭ pakinuli «Minsk», try lehijaniery pakinuli žodzinskaje «Tarpieda», dva — «Biełšynu», pa adnym — «Naftan» i bieraściejskaje «Dynama».
U novym siezonie zamiest piaci raniej dazvolenych zamiežnych hulcoŭ na poli zmohuć znachodzicca tolki čatyry. U toj ža čas zamiežniki, jakija zhulali ŭ pałovie matčaŭ za svaju nacyjanalnuju kamandu na praciahu kalandarnaha hoda, jaki papiaredničaŭ padpisańnia kantraktu, lehijanierami ličycca nie buduć.
Kamientary