Łukašenka padpisaŭ ukaz ab pryzyvie hramadzian na terminovuju vajennuju słužbu
U adpaviednaści z ukazam Alaksandra Łukašenki № 14 ad 14 studzienia ŭ Biełarusi pačynajecca čarhovaja kampanija pa pryzyvie hramadzian na terminovuju vajskovuju słužbu i słužbu ŭ reziervie.
Zhodna z ukazam, na terminovuju słužbu i słužbu ŭ reziervie ŭ lutym—mai buduć pryzvanyja hramadzianie mužčynskaha połu, jakim da dnia pryzyvu spoŭniłasia 18 hadoŭ i jakija nie majuć prava na adterminoŭku ad pryzyvu, a taksama hramadzianie pryzyŭnoha ŭzrostu, jakija stracili prava na adterminoŭku. Maładoje papaŭnieńnie pavinna być nakiravana na ŭkamplektavańnie złučeńniaŭ i čaściej Uzbrojenych sił, inšych vojskaŭ i voinskich farmiravańniaŭ da 1 červienia.
Pastanaŭlajecca, što paciarpiełyja ad nastupstvaŭ katastrofy na Čarnobylskaj AES hramadzianie, pryzvanyja na terminovuju vajskovuju słužbu, nakiroŭvajucca ŭ voinskija čaści i farmiravańni, jakija nie znachodziacca na radyjeaktyŭna zabrudžanych terytoryjach, i pryznačajucca na voinskija pasady, nie źviazanyja z rabotami pa ekspłuatacyi krynic ianizujučaha vypramieńvańnia, zvyšvysokich častot i rabotami z kampanientami rakietnaha paliva.
Infarmacyja ab vynikach pryzyŭnoj kampanii pavinna być pradstaŭlena ŭradam kiraŭniku dziaržavy da 20 lipienia.
Ukaz ustupaje ŭ siłu paśla aficyjnaha apublikavańnia.
Kamientary