«Biełtelekam» prapanavaŭ taryf na vuličny Wi-Fi
Vuličny Wi-Fi u Biełarusi zastajecca płatnym i tolki pa pašparcie, ale pracedura dostupu da jaho sproščanaja.
«Biełtelekam» pradstaviŭ taryf biez abanienckaj płaty dla «vuličnych» Wi-Fi-sietak. Abanient «Papaŭnialnaj karty Wi-Fi» budzie płacić 9,6 rubli za 1 Mb — kala 10 tysiač za hihabajt.
Abanient papaŭniaje rachunak tolki tady, kali heta nieabchodna, rehularnaja abanienckaja płata nie zdymajecca, a hrošy nie «zharajuć». Łahin i parol karystalnika zachoŭvajucca.
Wi-Fi-sietki «Biełtelekama» možna znajści chiba ŭ kožnym horadzie Biełarusi — mnohija mademy abanientaŭ byfly paralelna vykonvajuć funkcyju punktu dostupu publičnaha Wi-Fi.
Padklučyć papaŭnialnuju kartu možna ŭ servisnych centrach «Biełtelekam». Z 20 lutaha pa 9 sakavika apieratar doryć 1 Hb biaspłatnaha trafiku, što budzie dastupny ciaham 6 miesiacaŭ z momantu padklučeńnia.
Inšymi sposabami padklučeńnia da publičnaha Wi-Fi u Biełarusi jość kartki pachvilinnaha dostupu i zamova pasłuhi praz SMS-paviedamleńnie ŭ apierataraŭ MTS i velcom.
Ciapier čytajuć
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary