Aryštavany na 10 sutak Kanstancin Žukoŭski abjaviŭ suchuju haładoŭku
Homielski hramadski aktyvist Kanstancin Žukoŭski, aryštavany 20 lutaha pa rašeńni suda Centralnaha rajona Homiela na 10 sutak, abjaviŭ suchuju haładoŭku ŭ znak pratestu suprać zatrymańnia.
21 lutaha aktyvista, jaki zaraz znachodzicca ŭ IČU, naviedaŭ advakat, jakomu aryštavany raskazaŭ pra akaličnaści zatrymańnia i ab pačatku haładoŭki.
«20 lutaha Žukoŭski panios skarhu ŭ abłvykankam na zabudoŭščyka, jaki ŭzvodzić šmatpaviarchoŭku kala jaho pryvatnaha doma. Kanflikt ciahniecca ŭžo niekalki hadoŭ, dom Žukoŭskaha pavinny źnieści, ale nie znosiać, inšaje žyllo nie vydzialajuć, u dvor kidajuć śmiećcie z budoŭli i hetak dalej. Pryčym parušeńni tyčacca nie tolki Žukoŭskaha, tamu što idzie hetak zvanaje ŭščylnieńnie ŭ centry horada, znosicca pryvatny siektar. Na ŭvachodzie ŭ budynak abłvykankama ŭ jaho ŭźnik kanflikt z achoŭnikam-milicyjanieram, i toj vyklikaŭ narad», — prakamientavaŭ pravaabaronca Leanid Sudalenka.
Paśla zatrymańnia naradam milicyi aktyvista advieźli ŭ sud, jaki pastanaviŭ aryštavać jaho na 10 sutak nibyta za niecenzurnuju łajanku.
Śviedkami vystupiŭ achoŭnik, harderobščyca abłvykankama i dva milicyjaniery.
-
Litva paličyła fihuranta rasśledavańnia «Našaj Nivy» Skindzierava pahrozaj nacyjanalnaj biaśpiecy i źbirajecca pazbavić statusu ŭciekača
-
U pryhraničnych Lelčycach vučylisia razhortvać ruchomyja punkty charčavańnia i rečavaha zabieśpiačeńnia
-
U Viciebsku na piešachodnym pierachodzie pastavili niezvyčajnyja słupki. Jak jany pracujuć?
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary