BiełTA
Alaksandr Łukašenka raźličvaje na pačatak dobraha dyjałohu ŭ adnosinach pa linii Biełaruś — ES. Ab hetym kiraŭnik biełaruskaj dziaržavy zajaviŭ na sustrečy z namieśnikam hienieralnaha sakratara Jeŭrapiejskaj słužby źniešnich dziejańniaŭ Chielhaj Maryjaj Šmid.
«Spadziajusia, heta pačatak našaha dobraha dyjałohu ź Jeŭrapiejskim sajuzam, choć my ŭ apošni čas niamała havorym ab adnosinach ES i Biełarusi.
Dumaju, što heta reč patrebnaja, heta ruch u pravilnym kirunku. Prynamsi, adnosiny pamiž Biełaruśsiu i Jeŭrapiejskim sajuzam siońnia nie takija tumannyja, jak raniej», — zajaviŭ lidar krainy.
Alaksandr Łukašenka padkreśliŭ, što Biełaruś hatova da vybudoŭvańnia adnosin ź ES na raŭnapraŭnaj niedyskryminacyjnaj asnovie.
Jon taksama daŭ vysokuju acenku prafiesijnych jakaściach kiraŭnika pradstaŭnictva Jeŭrasajuza ŭ Biełarusi Majry Mory.
«U vas tut dobry pasoł i, ja dumaju, abjektyŭny čałaviek, jaki vam daść absalutna abjektyŭnuju infarmacyju ab adbyvajucca ŭ Biełarusi pracesach.
Heta, napeŭna, adzin ź niamnohich zachodnich pasłoŭ, jakoha hramadstva prymaje i ŭsprymaje.
Tamu ja ŭdziačny Jeŭrapiejskamu sajuzu za takich ludziej, jakija, prynamsi, sprabujuć zrazumieć, čym žyvie Biełaruś», — adznačyŭ biełaruski lidar.
Chielha Šmid — vysokapastaŭleny jeŭrapiejski dypłamat. Jana pracavała ŭ dypsłužbie ES i za časoŭ Sałany, i za časoŭ Eštan. Kali ŭ 2009 hodzie Chaŭjer Sałana sustrakaŭsia z Alaksandram Łukašenkam, na spatkańni prysutničali jašče dva čałavieki — jana i Uładzimir Makiej.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary