Adzin ź ideołahaŭ tak zvanaj «Navarosii» Ihar Hirkin (Strałkoŭ) ličyć vinavatym u vajnie na Danbasie pamočnika prezidenta Rasii Uładzisłava Surkova. Pra heta jon zajaviŭ u intervju sierbskamu tydnioviku «Piečat».
Intervju było apublikavana jašče 5 śniežnia 2014 h., zadoŭha da zajavaŭ kiraŭnika SBU Valancina Nalivajčanki i prezidenta Ukrainy Piatra Parašenki, jaki abvinavacili Surkova ŭ dačynieńni da stralby na Majdanie.
«Surkoŭ — sapraŭdy maderatar toj situacyi, jakuju my majem na siońniašni momant. A majem my ŭ časie vajnu, jakaja pastupova pieratvaraje Danbas u vypalenuju pustyniu. U hetym, niesumnienna, źjaŭlajecca jaho vina, bo mienavita jon kiravaŭ pieramoŭnym pracesam», — skazaŭ Hirkin.
U toj ža čas, na dumku Strałkova, «Uładzisłaŭ Surkoŭ śviadoma sabatuje rasparadžeńni prezidenta Rasii i śviadoma stavić Navarosiju pad udar».
Taksama, Ihar Hirkin aabvinavaciŭ Kreml u svaim adchileńni ad kiraŭnictva «DNR» i čarhovy raz paćvierdziŭ udzieł Rasii ŭ vajnie na Danbasie.
«Nie mahu skazać, što ja syšoŭ dobraachvotna — mnie pryhrazili tym, što spyniacca pastaŭki z Rasii, a biez pastavak vajavać niemahčyma», - zajaviŭ Strałkoŭ.
Kamientary