Z pačatku 2015 hoda i pa stanie na 17 lutaha inflacyja ŭ Biełarusi skłała 3,3%.
Pra heta paviedamiŭ premjer-ministr Andrej Kabiakoŭ, pradstaŭlajučy 25 lutaha prahramu dziejnaści ŭrada na pasiadžeńni šostaj pazačarhovaj siesii pałaty pradstaŭnikoŭ.
Jon zaznačyŭ, što, niahledziačy na devalvacyju, dziaržava zdoleła abmiežavać inflacyjnyja pracesy. «Dziakujučy rašeńniam urada i prezidenta, žorstkaj hrašova-kredytnaj palitycy była strymanaja inflacyjnaja chvala. Rost spažyvieckich cen pa stanie na 17 lutaha skłaŭ z pačatku hoda 3,3% pry asłableńni biełaruskaha rubla za hety pieryjad na 25%», — skazaŭ premjer.
Jon padkreśliŭ, što ŭ Biełarusi tempy inflacyi nižejšyja, čym u Rasii i Ukrainie — asnoŭnych handlovych partniorach.
Pavodle aficyjnaha prahnozu, inflacyja ŭ 2015 hodzie zapłanavanaja na ŭzroŭni 12%. U toj ža čas Nacyjanalny bank u kancy studzienia paviedamiŭ, što z ulikam devalvacyi biełaruskaha rubla inflacyja sioleta prahnazujecca na ŭzroŭni 16—20%.
Andrej Kabiakoŭ taksama daŭ zrazumieć, što dziaržava zachavaje kantrol za cenami. «Ažyćciaŭleńnie žorstkaha kantrolu za cenami, spynieńnie lubych, navat samych niaznačnych, śpiekulacyj u hetaj śfiery — heta klučavaja zadača ŭrada. Pry jaje rašeńni my budziem dziejničać aktyŭna, paetapna zamianiajučy administracyjnyja abmiežavańni mierami dadatkovaha rehulavańnia i kankurencyi», — zajaviŭ kiraŭnik urada.
Ciapier čytajuć
Za «ekstremisckija» padpiski pry praviercy na miažy bolš nie sadžajuć na sutki15
Za «ekstremisckija» padpiski pry praviercy na miažy bolš nie sadžajuć na sutki
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary