Siońnia minskaje «Dynama» startuje ŭ płej-of čempijanatu Kantynientalnaj chakiejnaj lihi (Kubak Haharyna). U pieršym matčy 1/4 finału Zachodniaj kanfierencyi (1/8 finału) supiernikam «Dynama» budzie finski «Jokieryt».
Biełaruski kłub finišavaŭ na 5-je miescy ŭ Zachodniaj kanfierencyi, a finski zaniaŭ 4-je miesca.
Pieršaja hulnia projdzie siońnia ŭ Chielsinki (pačatak u 19:30), druhi matč taksama ŭ stalicy Finlandyi (subota, 17:00).
2 i 3 sakavika kamandy zhulajuć u Minsku (Minsk-arena, pačatak u 19:30).
Sieryja idzie da čatyroch pieramoh, tamu, vierahodna, kamandy zmohuć zhulać u Minsku šosty matč 7 sakavika (adpaviedna 5 i 9 sakavika hulni mohuć prajści ŭ Chielsinki, kali sieryja zaciahniecca da siami pajadynkaŭ).
«Dynama» hulała ŭ płej-of u siezonach 2010/2011 i 2011/2012 hh. pad kiraŭnictvam češskaha treniera Mareka Sikory. Praŭda, kamanda vybyvała na stadyi 1/8 finału (prajhraŭšy jarasłaŭskamu «Łakamatyvu» 3:4 i maskoŭskamu «Dynama» 0:4). Dva minułyja siezony kamanda nie mahła prabicca ŭ Kubak Haharyna.
Sioleta pucioŭku kłub zavajavaŭ daterminova.
«My budziem zmahacca za biełarusaŭ». Kanadski lidar «Dynama» kliča na plej-of KCHŁ. Rolik Tut.by
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali8
Kamientary