Biazdomny prahramist ź Ńju-Jorka zastaŭsia biez žytła
Umieńnie pisać prahramy nie dało žylle biazdomnamu — nie chapiła matyvacyi.
Praz hod paśla ekśpierymientu pa navučańni biazdomnaha prahramavańniu Lea Hrand zastaŭsia na vulicy, raspaviadaje Mashable.
«Biazdomny prahramist Lea» vypuściŭ prahramu, jakaja pryniesła jamu 10—15 tysiač dalaraŭ, ale ź ciaham času zakinuŭ prahramavańnie. Siońnia jon zastajecca biazdomnym.
U žniŭni 2013 hoda prahramist Patryk MakKonła prapanavaŭ ńju-jorkskamu biazdomnamu Lea Hrandu vybar: sto dalaraŭ miłaścini ci navučańnie prahramavańniu. Lea abraŭ navuku.
Praz čatyry miesiacy jon vypuściŭ svaju pieršuju prahramu Trees for Cars, što dapamahała šukać spadarožnikaŭ u aŭtamabilnych pajezdkach, kab razam ekanomić paliva.
Spravy ŭ Lea nie zadalisia. Praz paŭhoda jon usio jašče nie navažyŭsia zajści ŭ bank, kab adkryć rachunak. Praź jašče hod jaho sajt byŭ adklučany, bo Lea pierastaŭ płacić za chostynh.
Zaraz jon praciahvaje žyć na vulicy, časam padpracoŭvaje zvarščykam. Štodzionnyja zaniatki prahramavańniem «biazdomny prahramist» zakinuŭ.
Lea nie moža ŭpeŭniena adkazać, čamu ŭsio skłałasia mienavita tak. «Bo prosta, viedajecie, žyćcio takoje. Roznaje zdarajecca. Ty musiš rabić toje, hetaje», — sprabuje patłumačyć jon.
Tym nie mieniej, jon lubić pryhadvać časy, kali jaho ŭschvalali haziety, restarany prapanoŭvali jamu biaspłatnuju kavu, a sam jon zdymaŭ numar u darahim hateli. Lea dumaje, što jašče zmoža stvaryć prybytkovuju prahramu i zarobić hrošy na elitnaje žytło.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary