Luboje pavyšeńnie cany pavinna być ekanamična abhruntavanym. Ab hetym u razmovie z karespandentam BiełTA zajaviŭ načalnik upraŭleńnia ekanomiki, finansaŭ i cen Ministerstva handlu Biełarusi Pavieł Filipaŭ, kamientujučy admienu zabarony na rost roźničnych cen na tavary ŭ paraŭnańni z cenami, jakija dziejničali na 18 śniežnia 2014 hoda.
«Luboje pavyšeńnie cany vytvorcam abo imparcioram pavinna być ekanamična abhruntavanym. Usie ceny pavinny być kankurentazdolnymi. Rabota vytvorcaŭ i imparcioraŭ pavinna być nakiravana na źnižeńnie vydatkaŭ vytvorčaści i vydatkaŭ, źviazanych z pastaŭkaj pradukcyi na spažyviecki rynak», - adznačyŭ Pavieł Filipaŭ.
Pavodle jaho słoŭ, viartańnie da svabodnaha cenaŭtvareńnia — adna ź mier, nakiravanaja na palapšeńnie ŭmoŭ viadzieńnia biźniesu.
«Padrychtavana sumiesnaje piśmo Minekanomiki i Minhandlu, jakim tłumačycca, što praviły farmiravańnia cen, jakija dziejničali z 20 lutaha 2015 hoda, z momantu ŭstupleńnia ŭ siłu pastanovy numar 250 nie prymianiajucca. Ciapier subjekty haspadarańnia pavinny kiravacca ahulnymi padychodami ŭ zakanadaŭstvie, jakija datyčacca cenavaha rehulavańnia», - kanstatavaŭ jon.
Pavieł Filipaŭ padkreśliŭ, što situacyja na valutnym i spažyvieckim rynkach Biełarusi stabilizavałasia, ustaraniony dysparytet cen u sumiežnych z Rasijaj rehijonach. «U nas ciapier pa spažyvieckaj karzinie roźnica cany nižejšaja bolš jak na 14 pracentaŭ u paraŭnańni z Centralnaj administracyjnaj akruhaj Rasii. Kali paraŭnoŭvać stalicy dźviuch dziaržaŭ, to ŭ Minsku ceny tańniejšyja bolš jak na 20%», - skazaŭ načalnik upraŭleńnia.
Jon nahadaŭ, što Minhandal pradoŭžyć rehulavać ceny na sacyjalna značnyja tavary i ałkaholnuju pradukcyju macunkam zvyš 28%.
Jak paviedamlałasia, z 31 sakavika ŭ Biełarusi admieniena zabarona na rost roźničnych cen na tavary ŭ paraŭnańni z cenami, jakija dziejničali na 18 śniežnia 2014 hoda. Takoje rašeńnie źmieščana ŭ pastanovie Savieta Ministraŭ numar 250, jakim uniesieny źmianieńni ŭ pastanovu numar 1207 ad 19 śniežnia 2014 hoda «Ab niekatorych pytańniach spažyvieckaha rynku»
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary