U Armienii aryštavali lidera apazicyjnaha ruchu «Ustanoŭčy parłamient» Žyrajra Siefilana i niekalkich jaho tavaryšaŭ pa padazreńni ŭ padrychtoŭcy da masavych biesparadkaŭ, paviedamlaje «Kaŭkazski vuzieł».
Pa dadzienych vydańnia, padrychtoŭka da biesparadkaŭ inkryminujecca piaciarym aktyvistam, jašče adzin — Aram Akapian - abvinavačvajecca ŭ zachoŭvańni ručnoj hranaty.
Členy «Ustanoŭčaha parłamienta» płanavali arhanizavać akcyi pratestu 24 krasavika — u dzień sotaj hadaviny z momantu pačatku hienacydu armianaŭ ŭładami Asmanskaj impieryi. Jakija źviestki majucca ŭ śledčych pa padrychtoŭcy masavych biesparadkaŭ, pakul nieviadoma.
Hramadzianskaja inicyjatyva «Ustanoŭčy parłamient», raniej viadomaja pad nazvaj «Pieradparłamient», isnuje ŭ Armienii z 2012 hoda. Ruch maje namier stać «alternatyŭnym orhanam» ułady, što vystupaje za stvareńnie «dziaržaŭnaj nacyjanalnaj sistemy kiravańnia, demakratyčnaj dziaržavy, za de-jure dałučeńnie Arcacha (Nahornaha Karabacha) da Armienii i arhanizacyi pierachodnaha pieryjadu dla dekałanizacyi krainy».
Kamientary