Udzielniki hurtu zachacieli, kab syšoŭ ŭładalnik pravoŭ na Litvintroll.
Biełaruski fołk-mietał-hurt Litvintrol abviaściŭ pra spynieńnie svajho isnavańnia.
«Za dziesiacihodździe svajho žyćcia my prajšli šmat daroh, adyhrali bieźlič kancertaŭ i spatkali sapraŭdnych siabroŭ. Heta byŭ nasyčany čas. Na žal, nie ŭsie ŭdzielniki hurtu ŭśviedamlajuć tuju adkaznaść, jakuju nakładaje zvańnie muzyki», — piša hurt u aficyjnaj supołcy «UKantakcie».
Pryčynaj rospusku Litvintroll staŭ unutrany kanflikt — hurt zachacieŭ, kab jaho pakinuŭ Vasil Vierabiejčykaŭ.
«My razyšlisia ŭ vyniku sprečak adnosna dalejšaj budučyni hurta. Maja prapanova była ŭparadkavać svaje dziejańni, padpisać kantrakt, kab stać bolš prafiesijnaj kamandaj. Inšyja ŭdzielniki z prapanovami nie pahadzilisia i zachacieli, kab ja syšoŭ z hurta. Pakolki pravy na hurt zarehistravanyja na mianie, to nadalej jon isnavać nie moža, choć ja i spadziajusia na toje, što my damovimsia. Nie viedaju, što budzie dalej pa-ščyraści», — raspavioŭ Vierabiejčykaŭ partału Tuzin.fm.
Zajava była apublikavanaja litaralna na nastupny dzień paśla supolnaha vystupu Litvintroll ź finskaj mietał-lehiendaj Fintroll u Minsku.
***
Litvintroll byŭ zasnavany ŭ 2005 hodzie ŭdzielnikami hurtu «Stary Olsa» — dudarom Andrejem Apanovičam i bubnačom Siarhiejem Tapčeŭskim. Dudar Vasil Vierabiejčykaŭ byŭ de-fakta dyrektaram hurtu. Litvintroll hraŭ fołk-mietał z tekstami na biełaruskaj, polskaj i anhlijskaj movach. Hurt zapisaŭ dva poŭnafarmatnych albomy. Časta vystupaŭ na biełaruskich fiestyvalach u jakaści chedłajniera, mieŭ paśpiachovyja vystupy ŭ bližnim zamiežžy.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary