U płanach na 11 krasavika hutarka z bajkanuraŭcami, tajmłapsy Viktara Małyščyca, dakumientalnaje kino i elektronnaja muzyka.
Napiaredadni Dnia kasmanaŭtyki, z 11 na 12 krasavika ŭ śviecie adznačajuć Jurjevu noč. Trydycyja nie abminuła i Biełaruś — u minskaha Płanietaryja vialikija płany.
Ad 10 ranicy ŭ Płanietaryi buduć demanstravacca śfieryčnyja filmy i multymiedyjnyja panaramy. A 17-j projdzie lekcyja «Tradycyi ŭ kasmanaŭtycy». U 18:00 pačniecca dyskusija na temu «Uniosak Biełarusi ŭ raźvićcio kasmanaŭtyki» z udziełam niepasrodnych śviedkaŭ stanaŭleńnia i raźvićcia kasmanaŭtyki. A 21-j projdzie pakaz filma «Ziamla i Nieba» pra biełaruskaha mastaka i falkłarysta Jazepa Drazdoviča, z 21:30 buduć demanstravacca tajmłapsy Viktara Małyščyca i videa kamandy Astronominsk. Akramia taho, z 21 pa 22 hadzinu projdzie kancert elektronnaj muzyki Alaksieja Usinoviča.
Uvachod na mierapryjemstvy a 18 i 21-j hadzinie volny.
Kali nadvorje dazvolić, z 20 da 22-j budzie pracavać i teleskop u Absiervatoryi.
***
Jurjeva Noč adznačajecca z 2001 hoda. U dziasiatkach krain štohod pravodziacca mierapryjemstvy pa papularyzacyi astranomii i kasmanaŭtyki.
Mierapryjemstvy prymierkavanyja da pieršaha palotu čałavieka ŭ kosmas — 12 krasavika 1961 hoda u 9:07 pa maskoŭskim časie karabiel z kasmanaŭtam Juryjem Haharynym startavaŭ z Bajkanura. Karabiel vykanaŭ adzin abarot vakoł Ziamli, pravioŭšy u palocie 108 chvilin. Spuskavy aparat paśpiachova viarnuŭ Haharyna na Ziamlu.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary