«Braterskaje kidałava». Pradprymalnik z «ŁNR» raspavioŭ pra krach adnosin z RF
Samymi strašnymi ŭdarami dla ekanomiki tak zvanych «ŁNR» i «DNR» stali nie źniščeńnie infrastruktury i masavaja mihracyja, a admova rasiejskaha biźniesu padtrymlivać stasunki z pradpryjemstvami, jakija jašče pracujuć na «vyzvalenych brackich terytoryjach», piša łuhanski pradprymalnik Andrej Niedavies.
«Nazavicie mnie choć adnaho dyrektara, majho ziemlaka, jaki b paśla admovy praciahnuć šmathadovuju damovu z rasiejcami nie pačuŭ by mahičny skaz «my nie možam ryzykavać, u vas vajna»… Niekatoryja braty i šmathadovyja partniory pajšli dalej, jany navat vyrašyli nie płacić jašče za davajennyja (!) pastaŭki, razumna paličyŭšy, što pradpryjemstva z ŁNR — nie samy mocny praciŭnik u sudzie», — zaznačyŭ Niedavies, jaki dahetul žyvie ŭ Łuhansku i ŭvachodzić u naziralnuju radu zavoda «Aŭtamotazapčastka».
Jon adznačaje, što nišy rasiejskaha rynku, na jakich raniej pracavali łuhanskija zavody, ciapier u asnoŭnym zaniali rasiejskija i zamiežnyja kankurenty.
«Treba być poŭnym asłom, kab ličyć, što humanitarnyja kanvoi i kancerty Kabzona vyciahnuć amal źniščanuju pramysłovaść rehijonu… Tak, našy braty pa słavianskaj kryvi ŭ Piciery i Omsku źbirajuć dla nas pradukty i vopratku, ale skažy žycharu Rastova Siarhieju, što jamu nie treba vychodzić zaŭtra na pracu, bo tolki tak možna dać pracu łuhančaninu Alehu — i, bajusia, možacie nie paśpieć adchilicca», — dadaje aŭtar.
«Časta zadaju sabie pytańnie: dzie hetaja tonkaja miaža pamiž «braterstvam» i «ŭłasnaj kašulaj», pamiž «ruskim śvietam» i «majoj chataj», toj, jakaja, jak viadoma, z kraju… Zatoje nie dali źniščyć «maralnyja skrepy», abaranili, hetak kažučy. Nu, a z ekanamičnymi skrepami… Čakajem čarhovy humkanvoj i prabivajem hałavoj ścianu. Ułasnaj hałavoj braterskuju ścianu», — napisaŭ Niedavies.
Treba adznačyć, što, kali b spadar Niedavies i jahonyja ziemlaki lepš sačyli za ekanamičnymi vojnami pamiž Biełaruśsiu i Rasijaj, u jaho b pytańni nakont maskoŭskaha «braterstva» źjavilisia kudy raniej. I, mahčyma, adsutnaść iluzij adnosna ŭschodniaha susieda paspryjała b zachavańniu mira i ekanamičnaha dabrabytu ŭ Łuhansku i Daniecku viasnoj 2014 hoda.
-
Iranskija dziaržaŭnyja ŚMI ŭpieršyniu pakazali razburanuju rezidencyju Chamieniei paśla ŭdaru ZŠA i Izraila
-
U Polščy rasijaninu, jaki vydavaŭ siabie za apazicyjaniera, dali siem hadoŭ kałonii za pracu na FSB. Jaho žonka taksama atrymała termin
-
U ES zaćvierdzili novyja pravy avijapasažyraŭ. Šmat čaho vy daŭno čakali
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam1
Kamientary