Žuraŭkoŭ: Košt navučańnia ŭ VNU budzie pavialičvacca, ale nie ŭ razy
Košt navučańnia ŭ VNU budzie pavialičvacca, ale nie ŭ razy, zajaviŭ ministr adukacyi Michaił Žuraŭkoŭ 16 krasavika padčas anłajn-kanfierencyi na sajcie BiełTA.
«Kali ja skažu, što zusim nie budzie mianiacca, to heta, napeŭna, niapravilna. Košt navučańnia budzie mianiacca, asabliva dla navučencaŭ pieršaha kursu, ale heta ŭsio źviazana sa źmianieńniem taryfnaj staŭki pieršaha razradu. Budzie mianiacca staŭka pieršaha razradu — budzie mianiacca košt navučańnia. Ale ŭ razy, naturalna, nie pavialičycca», — skazaŭ jon.
Pry hetym ministr padkreśliŭ, što pytańnie źmianieńnia koštu navučańnia ŭzhadniajecca ź Ministerstvam finansaŭ i Ministerstvam ekanomiki «i naohuł vielmi sur`iozna abmiarkoŭvajecca ŭ Saviecie ministraŭ i Administracyi prezidenta».
U 2014/2015 i 2013/2014 navučalnych hadach košt navučańnia na płatnych adździaleńniach VNU pavyšaŭsia adzin raz pierad pačatkam navučalnaha hoda. U 2012/2013 navučalnym hodzie jon nie źmianiaŭsia, adnak u 2011/2012 navučalnym hodzie navučańnie ŭ vyšejšych i siarednich śpiecyjalnych ustanovach daražeła čatyry razy.
Kamientary