U kamitet uvajšli pradstaŭniki pradprymalnickaha ruchu, palityki, siabry aryštavanaha.
U kamitet uvajšli pradstaŭniki pradprymalnickaha ruchu, palityki, siabry aryštavanaha: Mikałaj Aŭtuchovič, Viačasłaŭ Siŭčyk, Alaksiej Bondar, Pavał Sieviaryniec dy inšyja. Padstavaj dla stvareńnia kamitetu staŭ nacisk na indyvidualnych pradprymalnikaŭ i ŭdzielnikaŭ pradprymalnickich pratestaŭ, a najpierš Andreja Kima, čyj aryšt ŭdzielniki arhkamitetu ličać palityčnym.
Arhkamitet stavić za metu: vyzvaleńnie Andreja Kima, spynieńnie represijaŭ suprać pradprymalnickaha ruchu šlacham pryciahnieńnia hramadzkaj uvahi ŭ Biełarusi i za miažoj da spravy chłopca dy inšych paciarpiełych padčas akcyjaŭ pradprymalnikaŭ, dałučeńnie da spravy mižnarodnych pravaabarončych i chryścijanskich arhanizacyj (Andrej — praktykujučy viernik), praviadzieńnie publičnych akcyj. Viadomyja hramadzkija dziejačy padpišuć asabistaje paručalnictva za A. Kima, kab jamu źmianili mieru strymańnia na padpisku ab niavyjeździe.
Nahadajem, što na Andreja Kima zaviedzienaja kryminalnaja sprava pavodle art. 364 KK RB («hvałt, albo pahroza hvałtu ŭ adnosinach da rabotnika milicyi»). Nibyta Andrej Kim padčas mitynhu pradprymalnikaŭ 21 studzienia ŭdaryŭ supracoŭnika DAI kułakom u tvar i raśsiek tamu bryvo da kryvi. Jamu pahražaje da 6 hadoŭ turmy. Jon svaju vinu admaŭlaje.
Jak paviedamiła maci Andreja, śledčy prakuratury pakul nie dazvoliŭ joj sustreču z synam. Mahčyma, što svoj dzień naradžeńnia — 26‑ha lutaha — jon sustrenie za kratami.
Arhkamitet zaprašaje ŭsich nieabyjakavych pisać listy padtrymki Andreju, jaki zaraz znachodzicca ŭ śledčym izalatary, pa adrasie:
220050, Miensk, SIZA‑1, Andreju Kimu.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary