Udzielniki rasijskaha kłuba bajkieraŭ «Načnyja vaŭki» majuć prablemy z atrymańniem šenhienskich vizaŭ, a ŭłady Hiermanii anuluje vydadzienyja im raniej vizy.
Pra heta paviedamiŭ polski ministr zamiežnych spraŭ Hžehaž Schietyna u efiry Radio Zet.
«Viedaju, što jany majuć prablemy z atrymańniem šenhienskaj vizy», — skazaŭ ministr, kamientujučy prablemu rejdu bajkieraŭ z Maskvy ŭ Bierlin.
«U svaju čarhu, Hiermanija anuluje šenhienskija vizy», — adznačyŭ Schietyna i dadaŭ, što polski ŭrad płanuje siońnia vyrašyć, ci prapuskać hetych bajkieraŭ na svaju terytoryju.
Schietyna nie vyklučyŭ, što Polšča taksama anuluje vydadzienyja udzielnikam hetaha kłuba šenhienskija vizy. «My pavinny ŭbačyć, jakoj budzie vizavaja situacyja, jakuju jana maje suviaź sa śpisam, jaki my atrymali», — rastłumačyŭ ministr.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali10
Kamientary